أحمد حلمي: اخويا تسبب في فقدان صوتي خلال الطفولة وأصعب فترة هي مرض والدي

نادين يوسف

نادين يوسف تاريخ النشر: الثلاثاء، 3 أكتوبر، 2023 | آخر تحديث:

أحمد حلمي

وصف الفنان أحمد حلمي طفولته وقال أنها "لم تكن كما أحب"

أجاب الفنان أحمد حلمي على سؤال الإعلامي أنس بوخش في برنامج "AB talks" عن طفولته وقال أنه أدرك بعد مرور الوقت أن طفولته لم تكن كما يتمنى ولكنه كان مستمتعا بها.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضاف قائلا "أنا مقصدش أنها كانت طفولة مشردة ولا معذبة لكن كان نفسي اكون بعرف لغات واللغات بيتم تعليمها وانت صغير وكان نفسي اكون بسافر كتير وانا صغير، ففي حاجات كان نفسي تكون أفضل لكن أنا بحب طفولتي جدا"

وعن مواقف سعيدة في طفولته قال "كان في مرة أنا واخويا وكان عندنا مسحوق غسيل وجزء منه منحجر واخويا كان أكبر مني بسنتين ومرة رمى جزء من مسحوق الغسيل فدخلت في فمي وبلعتها وصوتي راح"

وتابع "أنا عشت طفولتي في السعودية واللحظة اللي بنرجع فيها للقاهرة كانت بتبقى لحظات سعيدة اوي وعمري ما انساها ومشهد سفرنا من القاهرة لبنها كان لا ينسى"

أحمد حلمي

نرشح لك: حفل جديد لـ"ويجز" في لندن مع "الصواريخ" ونهال ضمن جولته العالمية ... تعرف على التفاصيل

وعن أصعب أوقات في طفولته قال "في جزء كبير من طفولتي نسيته لكن فاكر بداية من الإعدادي وافتكر لما ببايا ضربني بالقلم دي كانت لحظة مؤثرة، كما خالي كان بيربي حمام وأنواع غالية وانا دخلت وفتحت البلكونة وطيرت الحمام وراح خالي اشتكى لوالدي وانا ببايا كان ممكن يجي على نفسه علشان الناس، وانا كذبت على والدي وقلت أن اخويا هو اللي طير الحمام وطبعا اتعرف اني كداب وضربني واتصدمت لأنه ضربني وكانت المفارقة أن الحمام طلع بيرجع تاني للبيت وبسبب دة عرفت أن في مواقف الطفل مش بينساها وانها بتعلم في نفسية الطفل وانك ممكن تجرح ابنك بدون وعي"

كما أجاب على سؤال أنس بوخش حول إذا كان يوافق على مقولة أن الإنسان ينسى مواقف الطفولة الصادمة وقال "أنا اعتقد أن أي حاجة اثرت فيك مش هتنساها والا هيتحول لمشكلة نفسية ولو العقل حجب الموقف معناه أن المشكلة كبيرة وصادمة جدا"

أحمد حلمي

وعن علاقته بوالده ووالدته قال "دي من الحاجات اللي نفسي ارجع طفل علشان اعيشها مرة تانية لأن ابويا مات وملحقتش اشبع منه واعيش معاه مرحلة الصداقة كنت لسة متخرج من الجامعة وانا كنت عايش في القاهرة واهلي في بنها وخلال طفولتي كنا في السعودية ومكنتش مدرك اني لازم اشبع من اهلي وانا ملحقتش اشبع منه وهو كان مريض ودي من اللحظات الصعبة اني احس اني عاجز ومش قادر اعمل حاجة لحد بحبه"

وتابع "والدي كان مشاهد اكتر من أنه متكلم وحسيت بفضله عليا وفي صفاتي وتكويني وكان عندنا حرية ودة كون شخصياتنا كلنا ومكنش في شكل تقليدي للتربية وبقينا مسؤولين وبنحب بعض"

يذكر أن أحمد حلمي شارك في بطولة مسرحية "ميمو" مع هنا الزاهد وأحمد رزق وهنا شيحة وغيرهم نخبة من النجوم ومن تأليف ضياء محمد وإخراج هشام عطوة.