عبر الفنان فادي خفاجة عن ندمه بسبب انهياره في بث مباشر بسبب عدم عرض أعمال فنيه عليه خلال الفترة الماضية.
قال فادي خفاجة خلال مداخلة هاتفية له مع الإعلامي تامر أمين في برنامج "آخر النهار" المذاع على قناة النهار "أنا مش قادر اقول حاجة غير اني كنت في لحظة ضعف وبرجوا الناس زي ما شايفين اني فنان أنا انسان ولو رجع بيا الوقت مش هعمل الفيديو ومش عارف أنا عملته ازاي وانا بسعى بقالي كتير طول الوقت الناس بتقولي أنت فين احنا متربيين على ونيس"
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابع "أنا لا حصلت فنان ولا انسان طبيعي وانا لو سبت الناس في حالي وقعدت لوحدي أنا معنديش إجابات وانا بتسأل السؤال دة في اليوم مليون مرة"
وأضاف "وكل الأساتذة الكبيرة اللي اشتغلت معاهم كانوا بيشكروا فيا ودة اداني امل وكنت بشوفه رسالة اني اقدم في المعهد العالي للفنون المسرحية واجتهدت واتخرجت بتقدير كل دة راح فين ولما تواجدت في مسلسل زي الاختيار كنت ضيف شرف ودة كان شرف ليا وانتظرت أن أبواب ربنا تتفتح"
نرشح لك: "بقالك مدة مبتشتمنيش" … ماذا فعل عادل إمام عندما توقف طارق الشناوي عن انتقاده
وواصل حديثه قائلا "وبعد كل دة مفيش وانا مش عارف أنا مبشتغلش ليه واتحدى أن مخرج يقول اني أنا مبجيش في معادي، أو منتج يقول اني ناقشته في الأجر محصلش"
وعن مقابلة المخرجين من أجل البحث عن عمل قال "سعيت وروحت قابلت مخرجين بدون استدعاء وزمان كنا بنعرف نقابل المخرج دلوقتي لازم تبعت على الميل وتاخد معاد وحتى لو النظام دة كويس بس أنا مش عارف اتواصل معاه لأن وسط كل اللي بيتقدم أنا مش هظهر"
وتابع "اعز الزملاء ومواهب أكبر مني كلنا بنكلم بعض وبنسال ليه مش بنشتغل لكن أنا بعتذر ومكنش ينفع اللي أنا عملته لكن أنا حصل معايا حاجتين أنا جاتلي رسايل من أمام الكعبة ناس معرفهاش بتدعيلي وناس اخدت الفيديوهات وقطعتها وانا مكنتش متخيل أن ناس تعمل كدة"
اعتذر فادي خفاجة مجددا وقال "أنا كنت فاتح لايف وبهزر مع الناس لكن كم التعليقات اللي كانت بتقولي أنت مكانك مش هنا فهما داسوا على الجرح"
يذكر أن فادي خفاجة ظهر في حالة انهيار وهو يتحدث عن لجوئه إلى جولات تيك توك بسبب عدم عرض أعمال فنية عليه وقال "اضطريت أدخل في جولات تيك توك لإني مش لاقي شغل والفنانة وفاء عامر حاولت كتير تجبني معاها في أعمال فنية لكن مفيش فايدة"
وأضاف فادي خفاجة " محدش يهاجم وفاء عامر أو غيرها لأننا بنطلع على تيك توك محدش عارف ظروفنا وأي حد هيتريق هيعرف شغله.. دا مش مكاني أنا اتخرجت من معهد فنون مسرحية بتقدير جيد جدا.. المفروض أن أقل حقوقي أشتغل بقا كفاية". قاعد في البيت من غير شغل".
اقرأ أيضا:
رباب ممتاز عن خلافها مع محمد السبكي: قال لابسه كده ليه عاوز هدوم مفتوحة
أحمد الفيشاوي برفقة دينا في كواليس أحدث أعمالهما الفنية ... والجمهور يتساءل عن اختفاء الوشم (صور)
ترشيح "ڤوي ڤوي ڤوي" لتمثيل مصر في مسابقة "الأوسكار"
لا يفوتك: أول ظهور لابنة الفنانة ريم رؤوف.. ماما سرقت حلمي
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5