وجهت ريم طارق رسالة إلى مطرب المهرجانات حسن شاكوش بعد انتهاء الخلاف بينهما.
وعلقت ريم طارق على فيديو لشاكوش عبر حسابها على Instgram قائلة: "أنا كمان بتمنالك كل خير يا حسن وأكيد إحنا حبايب وعايزة أقول حاجة للمتابعين".
وأضافت: "المشكلة بتاعتنا من الأول إن بلاش أي حد يدخل في مشاكلكم الشخصية حتي لو أقرب الناس ليكم، لأنهم من كتر حبهم ليكم ممكن المشكلة تزيد مش تتحل وده إللى حصل معانا أنا وحسن".
وتابعت ريم طارق: "يمكن لو كانت المشكلة بينا بس كانت اتحلت من بدري وأنا كمان بشكرك يا حسن وإنت وعدت ووفيت لله الأمر من قبل ومن بعد".
وتحدث شاكوش في الفيديو الذي نشرته ريم عبر حسابها على Instgram قال فيه: "أنا طالع من خلال الفيديو بقول إن أنا وريم حبايب ومفيش أي خلافات ولا مشاكل.. ومن خلال الفيديو بشكرك جدًا يا ريم إنك قولتي كلمة حق وماشفتيش مني أي حاجة وحشة وأنا قبلت اعتذارك وبتمنالك الخير والنجاح في كل خطواتك اللي جاية".
وتابع حسن شاكوش: "بشكر كل الناس اللي اتدخلوا وكلموني عشان نخلص الموضوع بشكرهم جدًا جدًا وتعبوا معايا جدًا.. وبقول لكل الناس إخواتنا الإعلاميين والصحفيين اللي هما على راسي من فوق، إحنا خلاص حبايب مفيش أي حاجة، وهي كانت في يوم من الأيام مراتي ومكنش ينفع أجرح فيها بأي كلمة أو أتكلم أي كلمة تجرحها".
واختتم: "الحمد لله الموضوع خلص على خير وأنا وريم حبايب دلوقتي ويارب يقدركم على فعل الخير وبشكر كل الناس اللي بتحبني وبتحب ريم".
اقرأ أيضا:
نيللي كريم تكشف حقيقة وجود خلاف بينها وبين صناع "ع الزيرو": أنا ضيفة شرف في الفيلم
آمال رمزي: عملت إجهاض 15 مرة ومش ندمانة
نسرين أمين: أنا "فيمينيست" لكن مش بحب الحرب بين الرجالة والستات
حسن شاكوش يرد على طليقته بعد تصريحاتها عنه: قابل اعتذارك ومش من تربيتي أشهر ببنات الناس
لا يفوتك: ساعة مع الفنان علي الحجار ... حكاوي وفن وغنا
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5