ومؤخرا، كشفت الفنانة حورية فرغلي تطورات وضعها الصحي بعد خضوعها مؤخرًا لعملية استئصال الرحم.

وقالت حورية فرغلي في لقاء مع ET بالعربي: "أنا مؤمنة بقضاء ربنا، ومن صغري وأنا عارفة أن عندي ورم في الرحم وعارفة أن دي وراثة، شالولي الرحم والورم كان لازق في كل حتة وقعدوا خمس ساعات يفكوه".

وأضاف: "حاسة بنفسي أحسن بكتير وعندي طاقة ومش تعبانة وباكل كويس لإن الورم اللي على الرحم كان مأثر عليا، ودي مش أول مرة أخضع لعملية، عملت عملية شبه دي وأنا عندي 30 سنة وكان عندي 7 أورام والدكتور قال لي قدامك 10 سنين وبالمساعدة تقدري تحملي ولما تخلفي وأنا بولدك هشيل لك الرحم، وما أتجوزتش خلال المدة دي".

وتحدثت حورية فرغلي عن حلم الأمومة قائلة: "عمري ما مسكت بيبي ولما مسكتها حسيت وكإني بتكلم مع بنتي، وفي آخر الكلام قلت لها هسميكي حورية، وكنت بتكلم من قلبي، وكان نفسي أجيب بنت وده حلمي طول عمري، ومش عارفة إيه ممكن يعوض الإحساس ده، خاصة إن الحاجة الوحيدة اللي كانت ممكن تفرحني هي إني أجيب بيبي".

ووجهت حورية رسالة للفتيات قائلة: "الجمال مش كل حاجة، لو أنتي جميلة الناس هتقول واو زي القمر، ولكن لما ياخدوا عليكي هيشوفوكي عادية جدا، واللي بيعيش فعلا هو إنك تتجوزي ويكون عندك ولاد، ودي الحاجة اللي ندمانة عليها".

واختتمت: "لو رجع بيا الزمن هتجوز للإن هو ده اللي كان هيعيش لي، أصل مين هياخد باله مني وهيحبني بشكلي ده غير جوزي اللي مش عارفة هو فين دلوقتي وإن شاء الله يظهر".

يذكر أن حورية فرغلي انتهت مؤخرا من تصوير مشاهدها في فيلم "ظلال مهجورة"، الذي تعود به للسينما بعد غياب دام لأكثر من 4 سنوات.

ويشارك في بطولة فيلم "ظلال مهجورة" عدد كبير من الفنانين العرب، أبرزهم رشيد عساف، وحسن عبدالفتاح، منصور الفيلي، نادين خوري، زهير عبدالكريم، هيا القايدي من الإمارات، وعبير اليوسف من مصر، وولاء عزام ودلع نادر، ولين برازي وأيوب الحجلي.

اقرأ أيضا:

هنا الزاهد لـ أحمد فهمي: فخورة بنجاحك في "سفاح الجيزة"

#شرطة_الموضة: تفاصيل إطلالة أنغام في AB Talks.. سعر مجوهراتها تجاوز المليون جنيه

شيماء سيف لـ "في الفن": لم أقصد فنانين زملائي بحديثي عن العري ... وناس كتير دعمت كلامي ... وهذه رسالتي لمن هاجموني

مؤلف "سفاح الجيزة" يكشف سر عدم زيارة المجرم الحقيقي في السجن

لا يفوتك: ساعة مع الفنان علي الحجار ... حكاوي وفن وغنا

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5