خالد محمود: كان عندي قدرات وروحانيات ودعيت ربنا تروح مني (فيديو)

FilFan

FilFan تاريخ النشر: الاثنين، 28 أغسطس، 2023 | آخر تحديث:

خالد محمود

كشف الفنان خالد محمود عن فترة من حياته كان يمتلك فيها روحانيات وقدرات غريبة.

وقال خالد محمود خلال لقائه في برنامج "المنسي" عبر قناة "هي" عن فكرة امتلاكه لروحانيات: "الروحانيات دي قعدت معايا فترة من الزمن وقعدت تكبر وتزيد وتطور لحد ما خوفت وعلى طول افتكرت لو علمتم الغيب لاخترتم الواقع، هي كانت خاصة بالناس اللي قدامي علشان تبقي بس واضحة عند الناس لأن ممكن متبقاش واضحة للي معاشهاش.

خالد محمود من برنامج المنسي

نرشح لك: كواليس تدريبات أحمد فهمي على الطبخ من أجل "سفاح الجيزة"

أضاف خالد محمود: "كنت مثلا لو قاعد معاكي متعرفيش تكدبي عليا وبتظهرلي الصورة الحقيقية اللي حصلت بالظبط، وأنا قاعد مثلا في البيت سرحان أبص الاقي حد منأصدقائي جاب حاجة أشوف شكل الحاجة اتصل بيه يقولي عرفت منين أقولوا مبروك وربنا يباركلك وخلاص".

خالد محمود في بداياته الفنية

وتابع: "كنت لو إنتي بتكلمي وسرحتي أعرف بتفكري في أي ودي الحاجة اللي زعلان أنها راحت مني، إني أعرف الشخص اللي بيكدب عليا أو أعرف لو سرحتي إيه الحاجة اللي سرحتي فيها، لما زادت خوفت وصليت ودعيت تروح من عندي وقعدت أقول لكل أصحابي عليها لحد ما اختفت بالتدريج كده".

خالد محمود

يشار إلى أن آخر أعمال خالد محمود كان مسلسل "نقل عام" وعرض عام 2022، من إخراج عادل أديب، بطولة محمود حميدة، سوسن بدر، سميحة أيوب، أحمد بدير، دينا، ميرهان حسين، محمد محمود عبد العزيز، محسن محيى الدين، إيمان أيوب، عابد عنانى، نهلة سلامة، نور خالد النبوى، هاجر الشرنوبى، أميرة أديب، وعدد كبير من الفنانين، وتدور أحداثه في 30 حلقة.