عفاف مصطفى: عادل إمام رشحني "لأستاذ ورئيس قسم" وكان بيقولي مفيش حد غيرك بيعرف يضحكني

FilFan

FilFan تاريخ النشر: الاثنين، 21 أغسطس، 2023 | آخر تحديث:

عفاف مصطفى وعادل إمام

كشفت الفنانة عفاف مصطفى أن علاقتها بالفنان عادل إمام بدأت في مسلسل "العراف" الذي عرض عام 2013، مشيرة إلى أن الفنان عادل إمام رشحها بعد ذلك لمسلسل "أستاذ ورئيس قسم".

وقالت عفاف مصطفى خلال مداخلة هاتفية عبر برنامج "تفاصيل"، الذي تقدمه الإعلامية نهال طايل عبر فضائية "صدى البلد 2" عن علاقتها بالفنان عادل إمام: "أنا اتعودت اتواصل مع عادل إمام تلفونيا، أو أروح اللوكيشن أسلم عليه وأباركله لو أنا بصور معاه أو لو مش بصور معاه، هو شخصية جميلة ولطيفة جدا وفوق الصورة اللي الناس بتتكلم عنها".

عفاف مصطفى وعادل إمام

نرشح لك: محمد الحلو يرد على منتقدي "عمار يا سعودية": ظلمتوني وظلمكم جاب حفلة ثانية

وأكملت عفاف مصطفى: "الزعيم عادل إمام كان بيقولي مفيش حد غيرك بيعرف يضحكني يا عفاف، أنا ممكن مضحكش حد على الشاشة بس أضحكه في الحقيقة، كان دايما يقولي تعالي أقعدي يا عفاف وضحكيني وكنت على طول بتواصل معاه تلفونيا وكنت أحكي له أني بصور في لوكيشن جنبه، كان يقولي تعالي اتفضلي أشربي فنجان قهوة أقوله لأ مش فاضية عندي تصوير، على طول كان بيسأل عني ويطمن ولو تعبانه كان بيقولي طيب أبعتلك دكتور علشان الموضوع ميكبرش، وكان يتصل تاني يوم ويتطمن عليا، هو حد جميل و طيب وودود".

عفاف مصطفى حكت عن علاقتها بعادل إمام

وحكت عفاف مصطفى أنها تحاول التواصل مع عادل إمام لكن أسرته تمنعها منذ ذلك وهي فقط تريد الاطمئنان عليه.

عفاف مصطفى

ووجهت عفاف مصطفى رسالة إلى أسرة الزعيم عادل إمام قائلة :"نفسي أقابله وجها لوجه علشان احسسه مش أنت التزمت البيت يبقى خلاص نسيناك. أنت لسه موجود في قلوبنا وفي ضميرنا الفني وفي روحنا وعاوزه أطمن عليه وأضحكه بصراحه".