دافع الإعلامي محمود سعد، عن الفنان محمد هنيدي بعد تعرضه لانتقادات بسبب فيلمه الأخير "مرعي البريمو" والذي وصفه البعض بأنه نهاية هنيدي الفنية.

قال محمود سعد في "لايف" له على حسابه بموقع Facebook " الفيلم اتعرض مكملش ساعتين والناس قالت وفاة هنيدي الفنية، هو مين من أصحاب الأعمال الناجحة في كل المجالات متعرضش للفشل، أي حد أنجز في حياته وعمل حاجة 50 مرة هتلاقي أن 10 بس المنورين اوي ومؤثرين ودة هيبقى عدد كويس"

اقرأ ايضًا: القصة الكاملة لأزمة غياب الزعيم عادل إمام ... بدأت بتصريح لمادلين طبر وانتهت ببلاغ على الهواء

وتابع " كبار الفنانين والمبدعين في كل المجالات في الطب والسياسة والإعلام هتلاقي حاجات عادية وحاجات منورة وحاجات مش كويسة، وهنيدي أنا فاكر السنة اللي فاتت اواللي قبلها كان عامل إعلان كنت بحب اشوفه كانه مسلسل وهو انسان طيب وجدع ومبيهاجمش حد وانا شوفت بداياته في فيلم الهروب وافلام مع عادل إمام وكان لسة صغير وهو حاول يعمل افلام حلوة"

وعن الانتقادات الموجهة للفيلم قال "وانا قريت كذا نقد محترم عن سلبيات الفيلم وهو معملش جريمة مين عمل في حياته 50 فيلم كلهم حلوين دة مش هيحصل فساعدوه لأن الفنان لما بيكون صادق وموهوب بنعتبره من العيلة وهو بيحاول ومجرد أنه بيحاول دة يحترم لكن أن حد يكتب أن دة نهاية محمد هنيدي دي صعبة ومحدش بينجح غير لما بيفشل وانا لغاية دلوقتي عندي حاجات بتطلع فاشلة"

واختتم حديثه عن الفيلم قائلا "أنا هروح اشوف فيلم "مرعي البريمو" لاننا بحب هنيدي واحنا مش اصدقاء أنا مشفتوش من 10 سنين لكن بعتبره بسمة حلوة في الحياة"

يذكر أن فيلم "مرعي البريمو" من بطولة محمد هنيدي، غادة عادل، نانسي صلاح، لطفي لبيب، مصطفى أبو سريع، محمد محمود، وعلاء مرسي.

يعد فيلم "مرعي البريمو" التعاون الثالث الذي يجمع محمد هنيدي وغادة عادل، بعد أن جمعهما فيلم "صعيدي في الجامعة الأمريكية" وفيلم "بلية ودماغه العالية".

الفيلم من تأليف إيهاب بليبل، وإخراج سعيد حامد، وتدور أحداثه حول شخصية "مرعي أحمد" تاجر البطيخ الذي يسافر في مهمة إلى سهل حشيش بصحبة زوجته وأفراد أسرته.

اقرأ أيضا:

#شرطة_الموضة: الفوشيا والأخضر النيون موضة النجمات صيف 2023

القصة الكاملة لأزمة أحمد فلوكس … بدأت برسائل سب وقذف للاعبة كرة سلة رفضت الارتباط به وانتهت بالقبض عليه وفي حيازته مواد مخدرة

جمال وشباب وشياكة ... عايدة الأيوبي تلفت الأنظار في العرض الخاص لفيلم "خمس جولات"

دقت على الطبلة ورقصت دبكة … نسرين طافش تحتفل بتخرج ابنة شقيقتها مع الأسرة

لا يفوتك: غناء التراث حق للجميع ولكن ... علي الحجار يكشف لـ(في الفن): ملامح مشروع "100 سنة غنا"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5