طمأنت الفنانة فيفي عبده جمهورها على صحتها بعدما تعرضت خلال الفترة الماضية لوعكة صحية.
وتقضي فيفي عبده إجازتها في الساحل الشمالي وشاركت جمهورها بفيديو من هناك نشرته عبر حسابها على Instagram.
نرشح لك: ريهام حجاج وأشرف زكي وروجينا في حفل جومانا مراد في الساحل الشمالي
وقالت فيفي عبده في الفيديو: "يا صباح الفل والياسمين والهنا من الساحل الشمالي طبعا أنا بقالي حوالي كام يوم هنا طلعتلكم مرتين صورة وفيديو ودلوقتي بنزلكم الفيديو ده بقولكم إن أنا في الساحل الشمالي، أنا بحبكم جدا عايزة أقولكم أني الحمد لله زي الفل وصحتي زي الفل، الله أكبر عشان محدش يحسدني ولا يقر عليا، وبحبكم أوي وحبكوا اللي موصلني للي أنا فيه ربنا يخليكم ليا ويخلي جمهوري اللي بحبه وبيحبني و5 في عين اللي بيقروا عليا ويتمنولي المكروه".
وكانت فيفي عبده كشفت في بداية يوليو الماضي عن تعرضها لوعكة صحية لأزمة صحية جديدة، بعد أيام من خضوعها لجراحة في العمود الفقري.
ونشرت فيفي عبده عبر حسابها في موقع التواصل الاجتماعي Instagram مقطع فيديو ظهرت به على فراش المرض، ووجهت رسالة لجمهورها قالت فيها: "مساء الفل والياسمين والهنا من مصر أم الدنيا، عايزة أقول لكم كل خروجة بمشكلة بالنسبالي".
وأضافت: "حصل عندي هبوط وبيحللوا لي وحبيت أسجل لكم اللحظة دي، وأنا كل يوم بتألم من المشاكل دي".
وتابعت: "إدعولي ربنا يؤذي المؤذي وربنا ينتقم من أي حد بيفكر يضايقني أو يعمل حاجة تعرقل حياتي، حسبي الله ونعم الوكيل في اللي يضرني، عليك خلاص الحق يا رب".
وكانت فيفي عبده كشفت في تصريحات لبرنامج ET بالعربي تفاصيل العملية الجراحية التي خضعت لها قائلة: "فجأة لقيت الغضروف قفل على العصب، وابتدت رجلي تتقل ومش قادرة أمشي، ربنا يتم شفائي لإن الصحة تاج، ومال الدنيا من غير صحة ولا حاجة".
وأضافت: "وأنا داخلة أعمل العملية بيدورا على العروق في إيدي مش لاقيين، وابتدوا يعملوا لي فحص لقوا القلب فيه رفة، وطلبوا بسرعة دكتور قلب وأخذت مخدر وعملوا منظار على القلب علشان يشوفوا هل القلب تعبان فعلا، ولما اطمنوا كان جاهزين بغرفة عمليات العمود الفقري".
يشار إلى أن فيفي عبده عرض لها في رمضان 2022 مسلسل "شغل في العالي"، من بطولة شيرين رضا وفيفي عبده ومروان يونس، بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، والعمل من إخراج مرقس عادل وتأليف حسين مصطفى محرم.
اقرأ أيضا:
سعد رمضان: عشت المساكنة وندمان لأنها غلط شرعا
معز مسعود: أرفض الحديث عن حياتي الشخصية ... ودوري مع المجتمع علمي وفكري
#شرطة_الموضة: روبي تستعرض سُمرتها بفستان فوشيا قصير على غرار "باربي" ... سعره يصل لـ17 ألف جنيه
لا يفوتك: "عمك البات" بيتكلم عن إلغاء حفلة ترافيس سكوت في مصر وبيوجه رسالة للمسئولين عن الفنون في مصر
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5