كشف ماضي الدقن، عن بعض المحطات في حياة والده الفنان الراحل توفيق الدقن وذلك بمناسبة مرور 100 عام على مولده.
قال ماضي الدقن خلال لقائه مع الإعلامية منى الشاذلي " في برنامج "معكم منى الشاذلي" المذاع على قناة CBC "والدي كان لاعب كرة قدم محترف وملاكمة ورياضي من الطراز الأول وكان لاعب كرة في نادي المنيا وتهافتت عليه الأندية الكبرى والزمالك كان عايزه"
واضاف "في فترة كان عايز يدخل معهد التمثيل وهو موظف في السكة الحديد، فكان عايز ينتقل من المنيا للقاهرة، فكان بيدور على موظف في السكة الحديد شغال في القاهرة وعايز يتنقل للمنيا علشان يبدل معاه ويسافر القاهرة ولعب في نادي السكة الحديد"
وعن عمل والده في المحكمة قال "هو كان خطه جميل ووالده كان موظف في المحكمة ففي الصيف كان بيتم الاستعانة بيه في كتابة المحاضر واشتغل شوية وهو كان بيساعد والده زي الأسر البسيطة زمان"
وعن عدم رغبته بالإنضمام لنادي الزمالك قال" هو كان بيحب الزمالك بس وقتها اللي بينضم للزمالك كان بيدخل الحربية وبيتم حلاقة شعره ودة كان هيأثر على عمله في الفن"
وعن بداياته الفنية قال "هو بدأ بدور في فيلم "ظهور الإسلام" وتم اختياره من خلال الدكتور طه حسين وكان بيجسد شخصية طيبة جدا"
وعن إجادة توفيق الدقن للنطق الصحيح للغة العربية قال " هو والده أزهري فلما راح الكتاب حفظ القرآن واتعلم تجويد وهو صوته كان حلو ولقبوه بالشيخ العجوز من كتر فصاحته ووالدي كان بيعتبر الصوت أداة من أدوات الممثل وهو غنى في المسرحيات زي مسرحية 3 ليالي مع سناء جميل وغنى في مسرحية بداية ونهاية"
اقرأ أيضا:
أحدث ظهور لـ لميس الحديدي مع ابنها نور من حفل خطوبة نجل عمرو أديب
رقص درة وإنجي علي مع زوجة رامي عياش في حفله بالعلمين الجديدة (فيديو)
#شرطة_الموضة: رانيا يوسف بفستان شيفون في عرض أزياء مايكل سينكو... سعره يتجاوز 200 ألف جنيه
ماندو العدل يكشف حقيقة خلاف نيللي كريم مع صناع "ع الزيرو"
لا يفوتك: "عمك البات" بيتكلم عن إلغاء حفلة ترافيس سكوت في مصر وبيوجه رسالة للمسئولين عن الفنون في مصر
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5