حكى الفنان كريم عفيفي عن موقف كوميدي وقع فيه بسبب ابنه خلال العرض الخاص لفيلم "مطرح مطروح".
وخلال لقائه في برنامج "الراديو بيضحك" مع فاطمة مصطفى عبر إذاعة "الراديو 9090"، كشف كريم عفيفي أنه اصطحب ابنيه معه في العرض الخاص لفيلمه الجديد ليشاهداه معه.
وقال كريم عفيفي: "راحوا معايا العرض الخاص وآسر فضحني في مشهد ضرب نار قال بصوت عالي "طبعا دا صوت مامتش بجد" فضحني في وسط العرض، وكان في جملة بقولها بصوت عالي سألني يعني إيه وطول الوقت بقوله أسكت، أما حمزة صغير ومبسوط وهو بيتفرج عليا".
نرشح لك: "كيدنا الأعادي" … زغاريد غادة عبد الرازق في حفل زفاف ابنة شقيقتها (فيديو)
وكشف كريم عفيفي أن أولاده لديهم ميول فنية قائلا: "عندهم ميول فنية وبيشاركوا في عروض في المدرسة كلها بالإنجليزي وأنا ببقى قاعد مش فاهم حاجة بس مبسوط الفلوس مراحتش هدر".
وأوضح كريم عفيفي أنه هذه الفترة يركز في تقديم أعمال سينمائية أكثر من المسلسلات لأنه في الفترة الماضية قدم مسلسلات أكثر، ولأن السينما هي التاريخ وتعيش مع الجمهور أراد أن يكون لديه أعمالا سينمائية.
وخلال اللقاء كشف كريم عفيفي سبب ضعف إيرادات فيلم "مطرح مطروح" الذي يشارك في بطولته إلى جانب الفنان محمود حميدة.
وقال كريم عفيفي: "فكرة الإيرادات حاجة بتاعة ربنا لكن في حاجات مقصرين فيها كصناع الفيلم ومش هنكر ده، الفيلم متعملوش دعاية كويسة، مفيش أفيشات في الشارع دا كله بيأثر على الإيراد، في ناس متعرفش أن الفيلم نزل لأن البوستر نزل من سنة وبعد كده رجعنا نزلناه تاني وعملنا واحد جديد كل ده ليه تأثير".
وأكد كريم عفيفي أن فكرة الإيرادات بقدر أهميتها له في سوق العمل لكن بالنسبة له أن يقدم عملا يعيش مع الجمهور لسنوات أهم بكثير قائلا: "بالنسبة ليا أكيد فكرة الإيراد مهمة وبتفرق معايا في الأجر وسعري في السوق بعد كده، لكن الأهم أني أعمل فيلم أو مسلسل يقدر يعيش، في أفلام زمان مجابتش جنيه في السينما وناجحة وبنحبها، أحنا مش بنتفرج على صعيدي في الجامعة الأمريكية عشان جاب إيرادات زمان لكن لأننا بنحبه".
تدور أحداث فيلم "مطرح مطروح" في إطار من الحركة والكوميديا، خلال فترة الأربعينيات في مصر، حيث تتسبب الصدفة في تعرض موظف مصري وعائلته للخطر، خلال نشوب الحرب العالمية، وسرعان ما يحدث صراع بين الأسرة والقوات الأجنبية.
"مطرح مطروح" بطولة محمود حميدة، كريم عفيفي، شيماء سيف، ليلى أحمد زاهر، سامي مغاوري، محمد السعدني، والفيلم من تأليف محمد عز، وإخراج وائل إحسان.
اقرأ أيضا:
غادة عبد الرازق تحتفل بزفاف ابنة شقيقتها في إيطاليا … إعلاميتان عربيتان ضمن الحضور (صور وفيديو)
تامر حسين يحكي تفاصيل مكالمة مع عمرو مصطفى من عامين: كانت نقطة النهاية في علاقتنا
كريم عفيفي يكشف سبب ضعف إيرادات فيلم "مطرح مطروح" (فيديو)
لا يفوتك: تحليل النغمات مع عمك البات: تقييم أغنية "الجو ولع" لبهاء سلطان
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5