ريم طارق: أنا ضد الطلاق ومخدتش لسه حقي

مي جودة

مي جودة تاريخ النشر: الجمعة، 21 يوليو، 2023 | آخر تحديث:

ريم طارق

خرجت ريم طارق طليقة حسن شاكوش من جديد في فيديو بث مباشر للحديث عن طلاقها وتصريحات طليقها الأول.

قالت ريم طارق: "أنا ضد فكرة الطلاق لإن الموضوع صعب ووحش وخراب البيوت مش سهل ولسه ما خدتش حقي، أنا قاعدة في بيت بابا وما خدتش فيلا ولا حاجة ولسه ما خدتش حقوقي".

ريم طارق

حسن شاكوش يرد على تصريحات طليقته ريم طارق: شغلنا معتمد على السمعة.. واللي كنت هقوله طليقها الأول قاله

وقالت عن سببب طلاقها من زوجها الأول: "أنا ضد إن حد يقول حاجة من غير دليل ولكن كان عنده مشكلة فكان لازم ما يحصلش نصيب بينا والموضوع التاني زي ما أنتم عارفين.

ريم طارق

وأضافت: أدعو الله أن أخذ حقي، كله سلف ودين وبدعي وبقول يا رب تديني على قد نيتي وبس والدنيا تلف وتدور ونشوف هي كده كده بتلف دلوقتي واللي مركز هيشوف كده.

وكان طليق ريم طارق الأول صرح في برنامج "تفاصيل" عبر قناة "صدى البلد2": الصدمة أن هي تتجوز، هي عندها مرض لا يصح لها الزواج، هذا اكتشفته بعد فترة زواجنا، المرض ظهر عليها بعد شهرين من الزواج بها، وأهلها تواصلوا معايا وقالوا لي إنها مريضة ومش هتقدر تستكمل الزواج، أنا مقصرتش معها في أي شيء وكنت عاوز أساعد في علاجها، كنت أروح معها للدكتور ووقت انفصالنا اتقال أنها لا يصح لها الزواج.

وعلق شاكوش على تصريحات طليق ريم طارق الأول، قائلا: "أنا اتجوزت 55 يوم فقط، واللي كنت هتكلم فيه طليقها اتكلم فيها وقاله".