ربنا خالقنا برقبة.. دعاء فاروق ترد على انتقادات ملابسها بعد الحج

مروة لبيب

مروة لبيب تاريخ النشر: الاثنين، 17 يوليو 2023 | آخر تحديث: الاثنين، 17 يوليو 2023

دعاء فاروق

علقت الإعلامية دعاء فاروق على الانتقادات التي وجهت لها من قبل الجمهور بسبب ملابسها بعد قضائها مناسك الحج، إذ ظهرت مرتدية فستان سواريه مع طرحة تظهر رقبتها.

وعبر خاصية القصص المصورة على Instagram، نشرت دعاء فاروق مقطع فيديو تدافع عن نفسها بعد الانتقادات وقالت ": في ناس متعرفش شكل الرقبة، ربنا خالقنا برقبة والرقبة تحت الإيشارب وفي إيشارب ملفوف حولين الرقبة في إيشارب ملفوف حولين الرقبة ولا مافيش.

دعاء فاروق

وتابعت دعاء فاروق: أنا بقى قدامكم على طول لابسة التلبيسة ولا لا جيت مرة غيرت في طريقة اللفة، ياريت متحشروش نفسكم في الفتحة اللي ظهرت بالرقبة، عيب أما ست تدخل عند ست زيها وتقولها الرقبة أنا بس حبيت أبين شكل الرقبة يعني أنتي ينفع تروحي للجزار تقوليله هات رقبة فايديكي حتة رقبة صغيرة.

دعاء فاروق

نرشح لك: هل يستكمل "الشنب" مشوار عمرو دياب في قيادة الموضة بمصر؟ 15 صورة أيقونية

أضافت دعاء فاروق: أنا مش برد عشان أدافع عن نفسي مش موضوعي ولا فارق معايا مين الشخصية اللي بتنتقدني، أنا بالنسبالي بتكلم على الانتقادات اللى جات ليا.

واختتمت دعاء فاروق: عيب تقللوا من قيمة الحج لأنه ركن كبير ومهم من أركان الإسلام عيب واحدة تدخل تقولي أنتي حجيتي تبقى قدوة، هو أنا يعني مش قدوة ولا قدوة الشخص عندكم بقيت بالهدوم.

دعاء فاروق

وكانت دعاء فاروق قد تعرضت لانتقادات بعد ظهورها بفستان سواريه يظهر رقبتها.

دعاء فاروق

على جانب آخر، كثيرا ما تتصدر دعاء فاروق التريند بسبب تعليقاتها على بعض الموضوعات مثل موضوع المساكنة.

وانتقدت دعاء فاروق فكرة المساكنة التي أعلن العديد من الفنانين تأييدها وقالت: "اعملوا مساكنة، وعيشوا مع بعض من غير زواج، وماله يا حبايبي ولا تدخلوا قانون ولا مجتمع ولا أهل ولا أصحاب ولا دين، ادي لما يسكر طينة ويقوم خبطك على دماغك، إيه اللي هيدخل القانون والأهل ولما تحملي منه هتشيلي شيلتك لوحدك ويقولك وأنا مالي يا تهربي يا تنزلي الطفل، وتعيشي النقاهة لوحدك إيه اللي يدخل المجتمع والحاجات دي يا تروحوا ترموا الطفل في الزبالة، زي ما في ناس بتعمل كده إيه علاقة الدين بالموضوع، أنتي مسلمة؟، بتصلي وتصومي؟، ما تصليش، بطلي صلاة، بتصومي في رمضان؟ بطلي تصومي، وانت بتصلي وتصوم بطل تعمل دا هتنبسطوا أوي أوعدكم".

يذكر أن دعاء فاروق تقدم برنامج "اسأل مع دعاء" عبر قناة "النهار".