تذكر الفنان حلمي عبد الباقي فترة صعبة مرت عليه بعد خسارته لأمواله في البورصة ومروره بضائقة مالية.

وخلال لقائه في برنامج "بالخط العريض" من تقديم إيمان أبو طالب عبر قناة "الحياة" حكى حلمي عبد الباقي عن فترة غنائه في الملاهي الليلية وتفكيره في الأموال التي يكسبها من هذا المكان ثم قرار الاعتزال، وقال: "كنت بغني في الملاهي الليلية عشان أصرف على نفسي وعلى فني، أنا مش من الناس اللي عملت ثروة، أنا كنت بشتغل عشان أنتج لنفسي وأعمل أغاني متكلفة، وفي الفترة دي مكنش في منتج يتحملني لأني بعيد الغناء مرة واتنين المنتج ينظر للموضوع بالناحية المادية فقط، في عز ما الناس كانت بتصور فيديو أنا كنت بصور سينما وكانت بتتكلف كتير الأغنية".

نرشح لك: النجوم و"العضلات" موضة الألفية الثانية ... نجوم الفن قبل وبعد "فورمة الساحل"

وتابع: "في فترة من الفترات اللي كنت بشتغل فيها كانت الملاهي الليلية يرتادها العائلات وكبار رجال الأعمال، وأكتر من حاجة وتسعين في المية من مطربي مصر والوطن العربي غنوا في الملاهي الليلية، ولما حسيت أن الموضوع بدأ ياخد شكل مش حلو تراجعت، أنا بحب نفسي وبحب أحافظ على شكلي وبترعب من ولادي لو حد قال كلمة وحشه، في 2007 كانت آخر حاجة عملتها وأقفت الغناء في الملاهي الليلية".

وأكمل حلمي عبد الباقي: " أنا اعتزلت وسافرت حجيت وخسرت فلوسي في البورصة وكنت في ظروف صعبة وكتير قالولي أرجع للملاهي الليلة بأي مبلغ أطلبه لكن كنت أخدت عهد على نفسي، لأني لما سافرت السعودية قابلت حد هناك وقولت له أني بشتغل في الملاهي الليلية وحاسس أن في شبهة في الفلوس وسألته أعمل إيه، وكان رده اني مرميش فلوسي في البحر لكن أغسلها عن طريق الزكاة، وفي 2008 خسرت معظم فلوسي في البورصة وكنت متضايق ومراتي فكرتني وقالتلي أن فلوسي اتغسلت لوحدها".

واستكمل حلمي عبد الباقي حديثه: "ربنا كبير أوي أنا قعدت فترة كبيرة جدا محدش في مصر كلها كان يصدق أن اللي كسبته وعملته وأبقى في يوم من الأيام مزنوق، مكنش حد يعرف بالمشاكل اللي مريت بيها ومراتي وقفت معايا كتير".

اقرأ أيضا:

شيكو ونسرين أمين وطارق العريان ونيكول سعفان من بينهم … النجوم في حفل عمرو دياب في مراسي

عمرو دياب يحيي أولى حفلاته في مراسي بحضور النجوم … سيطرة للون الأبيض

بعد تصريح محمد فؤاد عن الغيرة بينهما ... محمد هنيدي: مش عايز أتكلم في الموضوع ومسامحه

ياسمين عز لمتابعيها: اتجوز مهندسة ... معروفة بحواجبها وهتعمل صوابع المحشي برصة هندسية

لا يفوتك: تحليل النغمات مع عمك البات: خطوات صناعة الأغنية

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5