شجعت الإعلامية ياسمين عز متابعي برنامجها "كلام الناس"، المذاع عبر قناة MBC مصر، على الارتباط بالمهندسات، معددة الكثير من مزايا الخطيبة والزوجة المهندسة.
وقالت ياسمين عز في حلقة اليوم من البرنامج: "يا سعدك يا هناك يا فرعون لو إتجوزت مهندسة، كفاية فخامة الاسم، عارف مصطلح على الفرازة وبنت زي الكتاب ما بيقول، ده معمول مخصوص علشان المهندسة".
نرشح لك - مزاد علني على "بدلة" لطيفة في كليب "بحب في غرامك" ... وصل ثمنها إلى 200 ألف دولار
وأضافت: "إوعى تصدق الإشاعات المغرضة على جروبات الجامعة، إن بنات هندسة مسترجلين أو مش حلوين، أحلى بنات وأكثر أنوثة، كل خطوة عندها بحساب، وكل قرار محسوب بالمازورة، وحياتك معاها هتمشي بالمسطرة، سواء في مصروف البيت أو خزين المطبخ أو فواتيرك وأقساطك".
وتابعت: "البنت المهندسة تتعرف من حواجبها، دايما هتلاقي حواجبها الاثنين زي بعض، ولما ترتبط بيها هتلاقي تطبيقة هدومك في الدولاب منظمة جدا، ومفيش المشكلة الأزلية، فين فردة الشراب يا مدام".
ونبهت ياسمين عز متابعي برنامجها إلى ميزة قد لا تكون معروفة بقولها: "المفاجأة التي لا يعرفها الكثير من الرجالة إن المهندسة حريفة بلاي ستيشن، ومش بعيد تشيلك سكور، ومن أهم مميزات مراتك أو خطيبتك المهندسة إنها لما تعمل حلة محشي مش هتلاقي صباع ورق عنب مختلف عن التاني، وهتعملها برصة هندسية".
وقدمت ياسمين عز نصيحة للرجل المقبل على الارتباط بمهندسة قائلة: "إياك تنادي المهندسة باسمها حاف من غير طبقتين حماية، لازم قبل اسمها تحط ميم شرطة أو مهندسة فلانة".
اقرأ أيضا:
صور جديدة ورسالة ... أول ظهور لـ نسرين طافش بعد الانفصال
توفيق عكاشة وحياة الدرديري يوجهان الشكر للداخلية بعد القبض على سارقي فيلته: مليار شكر
لا يفوتك: معتز هشام: اعرف واحد شبه "ياسين" في ليه لأ 3 اخدت منه حاجات ونيللي كريم اكتشفت إني مابعرفش أسوق
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5