في سبتمبر الماضي كشف الفنان محمد رمضان عن تحضيرات فيلم "مرزوق وإيتو" للمؤلف عمرو محمود ياسين، لكن بعدها لم يبدأ تصوير الفيلم ولم يدخل في حيز التنفيذ وحتى الآن لم يتم الإعلان عن موعد تصوير العمل.
وتواصل FilFan.com مع الفنان عمرو محمود ياسين لنعرف منه الجديد حول فيلم "مرزوق وإيتو" وقال: "معنديش أي أخبار عن فيلم مرزوق وإيتو متواصلتش مع شركة الإنتاج بقالي فترة ومفيش أي جديد فيما يخض هذا الموضوع".
وكشف عمرو محمود ياسين أنه يعكف حاليا على التحضير لأعمال جديدة يبدأ في تنفيذها خلال الفترة المقبلة وقال: "حاليا شغال على أكثر من مشروع ما بين سينما وتلفزيون وفي مرحلة تفاوض، في أعمال مكتوبة وجاهزة وفي أعمال لسه بشتغل عليها والصورة ستتضح أكتر خلال الأيام القليلة المقبلة، وأتمنى أن في حاجات منهم تبدأ تصوير قريب".
فيلم "مرزوق وايتو" من تأليف عمرو محمود ياسين، وإخراج محمد سمير.
على جانب آخر، رد عمرو محمود ياسين على ما قالته برنسة عبد الغني، أشهر كومبارس في السينما المصرية، وأنها أعطته ملخصا لقصة حياتها لكي يكتبها لكنه أضاعه.
وكتب عمرو محمود ياسين عبر حسابه على Facebook: "النهاردة لقيت الخبر ده : برنسة عبدالغني: عمرو محمود ياسين خد ملخص حياتي عشان يتعمل مسلسل وضيعه، يا أستاذة برنسة تحياتي ليكي أولا، ثانيا حضرتك كنتي قابلتيني وإحنا بنصور مسلسل "ونحب تاني ليه" على ما أتذكر و لقيتك من تلقاء نفسك جايبالي ملخص وقولتي لي اقراه عشان عايزة إني أعمله مسلسل وقتها كنا لسه بنصور وما قدرتش اقراه وقتها".
وتابع عمرو محمود ياسين: "قريته بعد كده لما اتصلتي بيا فكرتيني به بعد فترة طويلة .. وقتها أنا قريته وللأسف ملقتش فكرة مناسبة له، وحضرتك ما كلمتينيش تاني وأنا ما تصلتش برضه وده تقصير مني بعتذر عنه، لكن مش عارف جبتي منين حكاية إني أنا ضيعته؟؟ مش عارف جبتي الفكرة دي منين؟ الملخص بتاعك في الحفظ والصون زي ما هو وتقدري تاخديه وقت ماتحبي .. وربنا يكرمك.
ونشر عمرو محمود ياسين صورة لملخص المسلسل ليثبت صحة كلامه.
وكانت برنسة عبد الغني قالت خلال حلولها ضيفة على برنامج "المنسي" من تقديم إنجي هشام عبر قناة "هي" أنها كتبت ملخصا لقصة حياتها وأعطته لعمرو محمود ياسين وهو أخبرها أنه أضاعه وأوضحت: "أديت قبل كده لأستاذ عمرو محمود ياسين وضيعها، كتبتله القصة كام صحفة على أساس هو يكمل عليها أنا كاتبة ملخص، وقابلته في مسلسل، وللأسف ضاعت منه".
يشار إلى أن آخر أعمال عمرو محمود ياسين كان مسلسل "اللي مالوش كبير" في رمضان 2021 من بطولة ياسمين عبد العزيز وأحمد العوضي وخالد الصاوي، خالد سرحان، دينا فؤاد ، دنيا عبد العزيز، فتوح أحمد، عايدة رياض، بدريه طلبة، أحمد عبدالله محمود، أحمد سعيد عبد الغنى، إيمان السيد ، محمود حافظ ، بسنت النبراوى ، هدى الإتربى، أحمد الرافعى محمود ياسين "جونيور" وآخرين، إنتاج سينرجي، إخراج مصطفى فكري.
اقرأ أيضا:
الحكم بالسجن 3 أعوام لابن إيمان البحر درويش المتهم بقتل طفل بسيارته
ابنة إيمان البحر درويش تصدم محبيه بصورة من فراش المرض
عايدة رياض: مش ندمانة على الأدوار الجريئة وقتها كنت مبسوطة
ياسمين عبد العزيز تغازل أحمد العوضي على الشاطئ: مين المز ده
لا يفوتك: معتز هشام: اعرف واحد شبه "ياسين" في ليه لأ 3 اخدت منه حاجات ونيللي كريم اكتشفت إني مابعرفش أسوق
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5