عايدة رياض: بهذه الطريقة أهلني داود عبد السيد للمشاهد العاطفية في فيلم "الكيت كات"

نهال ناصر

نهال ناصر تاريخ النشر: الثلاثاء، 11 يوليو، 2023 | آخر تحديث:

عايدة رياض

استعادت الفنانة عايدة رياض ذكرياتها مع أفلام شهيرة شاركت بها.

وحكت عايدة رياض خلال لقائها في برنامج "واحد من الناس" من تقديم عمرو الليثي عبر قناة "الحياة" كواليس فيلم "الكيت كات" وتحضيرها للمشاهد مع المخرج داود عبد السيد.

عايدة رياض

نرشح لك: عايدة رياض: مش ندمانة على الأدوار الجريئة وقتها كنت مبسوطة

وقالت عايدة رياض: "فيلم الكيت كات هو فيه "بوس" ودايما بيقولوا فيه إغراء لكنه عايش بينا، ودا بسبب المخرج، أستاذ داود عبد السيد كان بيتكلم معايا قبل المشهد يفهمني الفيلم، كان بيقولي"بصي يا عايدة أنتي في المشهد مع شريف منير حب حياتك عايز أحس إنك بتحبي، عايز واحدة بتحب وأنتي بتحضني حبيبك أو بتبوسيه بتحبيه"، مضيفة: أستاذ داود عبد السيد بيحب الإحساس أوي والسينما إحساس.

مشهد من فيلم الكيت كات

وعن فيلم "اللعب مع الكبار" ومشهد الشجار الشهير بينها وبين الفنان عادل إمام قالت: "ذكريات جامدة جدا دا ضرب نار، أستاذ شريف عرفة صوره من مرة واحدة وقبل المشهد اتفق على الحركة، وأنا بعمل البروفة أستاذ عادل إمام قالي باقولك إيه أنتي رياضية خلي بالك الضرب على الهواء، بدأنا نصور المشهد لقيته بيضرب بجد وأنا كنت رياضية روحت قايمه وضربته، والضرب كان بجد فعلا".

عايدة رياض من برنامج "واحد من الناس"

وأكملت: أستاذ عادل من مميزاته لو فيه "كلوز" ليك هو يقفلك وقليل اللي بيعمل كده، كان يفضل واقف قدامي عشان يديني الإحساس كنت أقوله اتفضل وأنا أكمل لكن كان بيفضل موجود.

يذكر أن عايدة رياض عرض لها في موسم أفلام عيد الفطر الماضي فيلم "ابن الحاج أحمد"، بطولة شيكو وسيد رجب ورحمة أحمد ومصطفى غريب وصبري فواز ومحمد لطفي وعايدة رياض، والفيلم من تأليف أحمد محي ومحمد محمدي، عن فكرة عمرو سلامة، ومن إنتاج شركة الطاهر ميديا برودكشن وشركة سينرجي فيلم، ويقوم بالحملة التسويقية للفيلم شركة MAD Solutions.