رد المؤلف عمرو محمود ياسين على ما قالته برنسة عبد الغني، أشهر كومبارس في السينما المصرية، وأنها أعطته ملخصا لقصة حياتها لكي يكتبها لكنه أضاعه.
وكتب عمرو محمود ياسين عبر حسابه على Facebook: "النهاردة لقيت الخبر ده : برنسة عبدالغني: عمرو محمود ياسين خد ملخص حياتي عشان يتعمل مسلسل وضيعه، يا أستاذة برنسة تحياتي ليكي أولا، ثانيا حضرتك كنتي قابلتيني وإحنا بنصور مسلسل "ونحب تاني ليه" على ما أتذكر و لقيتك من تلقاء نفسك جايبالي ملخص وقولتي لي اقراه عشان عايزة إني أعمله مسلسل وقتها كنا لسه بنصور وما قدرتش اقراه وقتها".
نرشح لك: برنسة عبد الغني: بعت كليتي بـ 10 آلاف جنيه عشان علاج أمي
وتابع عمرو محمود ياسين: "قريته بعد كده لما اتصلتي بيا فكرتيني به بعد فترة طويلة .. وقتها أنا قريته وللأسف ملقتش فكرة مناسبة له، وحضرتك ما كلمتينيش تاني وأنا ما تصلتش برضه وده تقصير مني بعتذر عنه، لكن مش عارف جبتي منين حكاية إني أنا ضيعته؟؟ مش عارف جبتي الفكرة دي منين؟ الملخص بتاعك في الحفظ والصون زي ما هو وتقدري تاخديه وقت ماتحبي .. وربنا يكرمك.
ونشر عمرو محمود ياسين صورة لملخص المسلسل ليثبت صحة كلامه.
وكانت برنسة عبد الغني قالت خلال حلولها ضيفة على برنامج "المنسي" من تقديم إنجي هشام عبر قناة "هي" أنها كتبت ملخصا لقصة حياتها وأعطته لعمرو محمود ياسين وهو أخبرها أنه أضاعه وأوضحت: "أديت قبل كده لأستاذ عمرو محمود ياسين وضيعها، كتبتله القصة كام صحفة على أساس هو يكمل عليها أنا كاتبة ملخص، وقابلته في مسلسل، وللأسف ضاعت منه".
وخلال اللقاء حكت برنسة عبد الغني عن فترة مرض والدتها وما فعلته قائلة: "بعت كليتي بـ10 آلاف جنيه عشان أعالج والدتي، وقتها كنت سبت الفن شوية ومترددتش للحظة، لو كانوا طلبوا عينيا كنت أديتها، أنا والدي أتوفى وأنا عندي سنتين واتربيت وسط خيلاني في الدرب الأحمر، وأمي محرمتنيش من حاجة وأنا صغيرة".
وكشفت برنسة عبد الغني أنها عملت مع بعض الفنانين كمساعدة منهم ميمي جمال والراحلة أحلام الجريتلي.
وأوضحت برنسة عبد الغني أنها تتصل بالمكاتب الفنية وتسأل عن العمل مضيفة: "في ريجيسير بصعب عليه وبيشغلوني وفي لأ".
اقرأ أيضا:
ويجز يحذر جمهوره من النصب باسمه
رسالة خالد الصاوي للنادي الإسماعيلي: أوعى تهبط أنا وروح أبويا بنشجعك (فيديو)
فيفي عبده تعود لفراش المرض مجددا وتعلق: عليك خلاص الحق يا رب (فيديو)
إيناس مكي عن عدم عملها مع أحمد مكي: ما ينفعش أطلع متجوزة وبحب أخويا الصغير
لا يفوتك: تحليل النغمات مع عمك البات جايب تفاصيل أغنية أحمد سعد اللي "مكسرة" التريند .. اختياراتي مدمرة حياتي
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5