ياسمين صبري: بتمنى أقدم فن مندمش عليه لما أكبر (فيديو)

نهال ناصر

نهال ناصر تاريخ النشر: السبت، 8 يوليو، 2023 | آخر تحديث:

ياسمين صبري

أكدت الفنانة ياسمين صبري أنها لا تعتبر نفسها قدوة لبنات جيلها، لكنها تحاول أن تقدم صورة مشرفة للبنت المصرية وأن تقدم فنا لا يجعلها تندم فيما بعد.

وقالت ياسمين صبري في لقاء مع et بالعربي: "أنا مستحيل اعتبر نفسي قدوة ولا اقدر أقر بده كل اللي أقدر أقدمه أني أكون نموذج كويس للبنت المصرية وأمثل بلدي بشكل مشرف في الحاجات العالمية اللي بعملها، وأقدم فن لما أكبر مندمش أني عملته بالعكس أكون مبسوطة بيه لكن أني نموذج لا".

نرشح لك: ياسمين صبري ترد على اتهامات تقليدها لـ جورجينا رودريجز

ياسمين صبري

وعن تشبيهها بجورجينا رودريجز صديقة لاعب كرة القدم البرتغالي كريستيانو رونالدو المحترف في نادي النصر السعودي، قالت ياسمين صبري: "في 2015 كنت ابتديت أتشهر كانوا بيقولوا إني بقلد كيم كاردشيان لأن كيم هي اللي في الصورة دلوقتي هما نقلوا هي بتقلد جورجينا، أنا نفس الست بس غيروا هما أنا بقلد مين، لكن مش مشكلة اللي يقول يقول المشكلة مش من عندي المشكلة في اللي بيعلق وينتقدولما ميبقاش في حاجة تتقال هو دا اللي بيتقال".

وتشارك ياسمين صبري جمهورها دائما بصورها من رحلات تقوم بها في الخارج وقالت عن هذا الأمر: "أنا شخص بحب الجزر، أنا فتاة الجزر بحب البحر وبحب المحيط الهندي لأنه بحره رائع لو أقدر ألف كل جزر العالم كنت لفيت في حتت الناحية التانية بقعد أقول هروحها إزاي زي بورا بورا وهاواي وجزر الكاريبي الدنيا فيها حاجات جميلة وربنا جميل".

ياسمين صبري من إجازتها

ولأن ياسمين صبري في أي رحلة تشارك جمهورها بفيديوهات وهي تمارس اليوجا أوضحت بعض الأمور قائلة: "أنا في الإجازات بحب أتمرن اليوجا جزء من الرياضة الناس بتتخيل أنها رحلة يوجا أنا بعمل 70 دقيقة بس يوجا".

ياسمين صبري

على جانب آخر، يعرض لياسمين صبري في دور العرض السينمائية في مصر والوطن العربي فيلم "البعبع" الذي نافس في موسم عيد الأضحى.

فيلم "البعبع" بطولة أمير كرارة، ياسمين صبري، باسم سمرة، ومحمد عبد الرحمن توتا، ومحمد أنور، بالإضافة إلى عباس أبو الحسن، والعمل من تأليف إيهاب بليبل، وإخراج حسين المنباوي.

كما تنتظر ياسمين صبري عرض فيلم "أبو نسب" مع محمد إمام وماجد الكدواني وهالة فاخر وعلاء مرسي، ومحمد لطفي، والفيلم من تأليف أيمن وتار، وإخراج رامي إمام.