شاركت الفنانة هيدي كرم متابعي حسابها في موقع التواصل الاجتماعي إنستجرام مقطع فيديو، تحدثت فيه عن مشكلة واجهتها مع كل الرجال الذين تعرفهم.
وقالت هيدي كرم في الفيديو: "كنت فاكرة إن أبويا هو الوحيد اللي عنده العيب ده، أو جوزي أو ابني أو صاحبي، لكن لقيت إن كل الرجالة عندهم نفس العيب، يبقى ده عيب متأصل وأصيل عند الرجالة".
نرشح لك - بطيخ وعنب وبحر ... مايان السيد تنشر صور إجازتها في العيد
وأضافت: "الست لا يمكن تطلب طلب والراجل اللي في حياتها ينفذه إلا بعد ما تزن 3 سنين على الطلب، سواء حاجة هو هيصلحها أو هيجيب سباك أو كهربائي أو نجار يصلحها، أيا كان الطلب ده هياخد وقت بين شهرين وسنة ونص".
وتابعت: "نفسي أفهم ليه لما الست تطلب طلب يخص الصيانة تاخد هذا الوقت الهستيري علشان الراجل اللي في حياتها يستجيب لها، إحنا مش هنبطل زن وهنفضل وراكم".
طالع أيضا - من خلع الحجاب لتهمة "خراب البيوت" وأخيرا الخروف … أزمات رضوى الشربيني عرض مستمر
ووجهت هيدي كرم رسالة للرجال قائلة: "الموضوع ده حرق قلبي وزهقت وتعبت وبعاني منه لدلوقتي، ارحمونا واعملوا الحاجة من أول مرة، وريحونا وريحوا نفسكو".
وكانت هيدي كرم علقت في فيديو نشرته مؤخرا على واقعة هجوم سمكة قرش على أحد السائحين في الغردقة.
وقالت هيدي كرم معلقة على اللقطات التي تم تداولها للواقعة: "الفيديو يقطع ويوجع القلب واتقهرنا فعلا، والحل مش احنا نقتل القرش، دي سمكة جعانة بتدوّر على أكل، فهجومها على الإنسان أكيد كان له أسباب، وأنا أعتقد أنهم سببين، الأول المراكب التي تأتي محملة بالحيوانات وخاصة قبل الأعياد وحينما يموت فيها حيوان يرموه في البحر فهذا يفعل حالة هيجان للقروش".
وأضافت: "أكيد في حاجة حصلت في حياة القرش ده خليته يطلع على المياه الضحلة يدور على أكل هو مش غاوي لحم البني آدم هو بيهاجم البني آدم لأسباب معينة خصوصا في البحر الأحمر القروش مبتطلعش على الشواطئ فلازم نعرف إيه اللي خلاه يطلع على الشاطئ .. كان لازم نصطاده ونرجعه مكانه بس مكنش المفروض نعمل فيه كده".
يذكر أن آخر أعمال هيدي كريم، مسلسل "الاختيار 3"، الذي عرض في رمضان 2022.
ومسلسل "الاختيار 3" تأليف هانى سرحان، وإخراج بيتر ميمى، إنتاج سينرجي بطولة كل من: أحمد السقا، كريم عبد العزيز، أحمد عز، ياسر جلال، خالد الصاوى، صبرى فواز، بيومي فؤاد، عبد العزيز مخيون، جمال سليمان، نادية رشاد، محمد رياض، هشام إسماعيل، خالد زكى، محمود البزاوى، شريف خير الله، أمير المصري، إيمان العاصى، هيدى كرم، سمر مرسى، نور محمود، عصام السقا وعدد من ضيوف شرف الحلقات.
اقرأ أيضا:
حسن الرداد يكتب اسم ابنه "فادي" على صدره (صورة)
بعد شجاره مع منظمة الحفل.. أول رد من أحمد سعد على جدل حفله الأخير بتونس
روبي ترقص على أغنية "قلبي بلاستيك" في حفلها بالساحل الشمالي (فيديو)
لا يفوتك: تحليل النغمات مع عمك البات: تقييم أغنية "هرمون السعادة" لتامر حسني
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5