حرص العديد من الفنانين على نعي المخرج ورئيس شبكة قنوات النهار إيهاب أبو زيد الذي رحل عن عالمنا مساء أمس.
ورحل المخرج الكبير ورئيس شبكة قنوات النهار مساء أمس بعد إصابته بأزمة قلبية مفاجئة ومن المقرر أن تقام الجنازة، من مسجد فاطمة الشربتلي بالتجمع الخامس بعد صلاة الجمعة.
وكتبت الفنانة سيمون "البقاء لله وفاة المخرج إيهاب ابو زيد رئيس شبكة تليفزيون النهار بأزمة قلبية وانا لله وانا اليه راجعون الله يرحمه".
بحضور اوكسانا وبدرا... حسن شاكوش يحيي حفل العيد في شاطيء للنساء فقط
بينما نشر المخرج تامر بشير عدة صور برفقة الراحل وعلق "لا حول ولا قوة الا بالله كدا يابوب تمشى كدة وتسبنا، اطيب واجدع واخلص وانظف انسان صحاب جدع ومخلص والله العظيم انا فى صدمة..من اول يوم ليه وهو معايا ١٠ سنوات فى المحور وبعدها متابع شغلى ويعلمني ويقولى حل شغلك ده لا ده محتاج تحسنة اخ واب وصاحب بجد انا فى صدمة زى صدمة موت ابويا ربنا يرحمه و يغفرله و يسكنه فسيح جناته و يصبر قلب مراته وولاده و كل عيلته وكل الي بيحبوك، ادعولوووو من قلبكم لو سمحت ادعلووووو".
ونشر المخرج مجدي الهواري صورة للراحل وعلق عليها "وصديق اخر قد رحل في صمت وترك لنا صدمة كبيرة لا حول ولا قوة الا بالله . الحزن كل الحزن علي فقدان صديق العمر ايهاب ابو زيد..ان لله وان اليه راجعون اللهم بحق هذه الايام المفترجة ارحمه وادخله جنات الفردوس يارب العالمين...اشهد انك كنت خير صديق ياصاحب احلي ضحة واجدع صديق".
وكتب الفنان حسام داغر "انا قلبي هيقف من الخضه .. معقول بيساطه كده انام و اصحي الاقيك مشيت يا ايهاب .. ده انا تليفوني و تليفون اخويا مبطلش رن منك و انا في المستشفي في العنايه لحد ما انا خرجت و سمعت صوتي و قلتلي انا كده اطمنت عليك .. ده لسه في احلام و مشاريع كتير بتفكر فيها سوا .. ببساطه كده ازمة قلبيه مفاجاة .. ده انت اكتر واحد كنت متحمس لمشروعي دكتور داغر و كنت هتشرف فيه علي الاخراج مع علي و انت المخرج الكبير المدير القائد مفكرتش لحظة متقفش جمبنا .. فاكر انت اول واحد كنت واثق فيا و موهبتي و ادتني بطوله في راديو ستار سنه ٢٠٠٥ و اقنعت بيا علي رجب بعدك لما كمل المسلسل .. لاحول ولا قوة الا بالله ايهاب الاخ الكبير الغالي المحترم في ذمة الله ….. ربنا يصبرك يا ادم يا حبيبي انا لقيت ميسد منك الفجر و انا نايم اكيد كنت عاوز تبلغني الي حصل لبابا … ربنا يرحمك يا حبييي .. قلبي هيخرج من مكانه من ضرباته من خضتي عليك .. يا رب تكون في مكان احسن يا ابن الاصول ياما حكتلي عن باباك الاستاذ احمد ابو زيد مدير الاذاعة المصريه زمان و تعلقك الشديد بيه .. هو في انتظارك ياخذك في حضنه بعيد عن دوشة الدنيا و قلقها .. الله يرحمك يا حبيبي الله يرحمك يا ايهاب ".
وشغل أبو زيد منصب رئيسا لقناة المحور ثم المدير التنفيذي لقناة DMC ومديرا لإدارة الإنتاج الفني لقنوات الشركة المتحدة للخدمات الاعلامية ورئيسا لشبكة قنوات النهار وله خبرة كبيرة في مجال إخراج البرامج التلفزيونية تمتد لأكثر من عشرين عامًا.
اقرأ أيضا:
أمير عيد: جربت كل أنواع المخدرات إلا الخمرة... ولو بشرب هقول مش هخجل
اسمع الأغنية الأصلية المقتبس منها "معانا ريال" لفيروز.. من فيلم مأساوي أوكراني
عمرو دياب يحتفل مع ياسين بونو وأحمد أبو هشمة بعيد الأضحى على متن يخت في باريس - صور
بعد تصريحاته بـ"لو غنيت غريبة الناس هقولها أحسن منك".. وائل جسار يرد على أحمد سعد
لا يفوتك: كل ما تريد معرفته عن الذكاء الاصطناعي الذي شغل العالم الفترة الماضية في تحليل النغمات مع عمك البات
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5