كشفت الإعلامية ياسمين عز مميزات الرجل الأصلع، وسر إعجاب الفتيات بالمدرب بيب جوارديولا بعد زيارته لمصر.

وقالت ياسمين عز خلال برنامجها "كلام الناس": "بعد زيارة جوارديولا لمصر اكتشفت إنه له معجبات في مصر بالملايين بس استوقفتني حاجة مهمة هي إيه سر جاذبية الرجل الأصلع؟ مفيش رجل أصلع مش جان ومش فتى أحلام لكثير من البنات".

نرشح لك - محمد محمود عبد العزيز لـ"في الفن": أتمنى العمل مع شقيقي "كريم" في السينما.. وأنا خارج "البيت بيتي 2"

وأضافت: "عندنا ناس كتير مشهورين هنا وبرة صلع، الرجل الأصلع ضد الزمن وضد الشيخوخة لا تجعيدة تظهر ولا تكشيرة في وشه ولا شعره هيفضل شباب العمر كله وأنتِ تشيخي إنما هو إكسير الحياة وبيلمع ومش انفعالي ولا هوائي حد تقيل في نفسه".

وواصلت الحديث عن مميزات الرجل الأصلع قائلة: "الرجل الأصلع اقتصادي جدًّا لا بيضيع وقته في حلاقة ولا في كوافير والفلوس دي يديهالك أنتِ، بني آدم مخلص لأبعد الحدود وشعره بيقع من كتر همه علشانك".

وتابعت ياسمين عز: "ومش هتعرفي تقولي له أنت عرفت بنات بعدد شعر راسك، هو لا يخون لإن ما عندهوش شعر أصلًا، الرجل الأصلع مستقيم لا بيسهر ولا مبلط في ديسكو وهو مش بتاع ديسكوهات، من البيت للشغل ومن الشغل للبيت".

واختتمت: "لما شُفت المعجبات لـجواردويلا اتجوزي الرجل الاصلع وخدي منه النصيحة ربنا بيحبه والحياة معاه مريحة، وفيه جاذبية تجنن".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5