صاحبة الفستان الأزرق: جرابيع السوشيال ميديا طلعوا إشاعات عني ... وكلام الناس دبحني

محمد سليم

محمد سليم تاريخ النشر: السبت، 24 يونيو، 2023 | آخر تحديث:

صاحبة الفستان الأزرق

أكدت ياسمين ياسر، صاحبة الفيديو الذي عرف إعلاميا بفيديو صاحبة الفستان الأزرق، أنها تعرضت لضرر كبير بعد تداول مقطع فيديو لرقصتها في حفل زفاف عائلي، وهو الفيديو الذي نشره صاحب قاعة الأفراح دون الحصول على إذن منها، وبالرغم من الاتفاق معه على عدم نشر فيديوهات من حفل الزفاف.

وقالت ياسمين ياسر في مداخلة مع الإعلامي عمرو أديب في برنامج "الحكاية" المذاع عبر قناة MBC مصر: "أنا كنت معزومة مع والدتي في الفرح والعروسة قريبتنا، وطلبنا من صاحب القاعة وإحنا بنتفق إن تصوير الفيديو خاص لنا، وما ينزلش على السوشيال ميديا".

نرشح لك - ميرهان حسين: ماما عايزاني أتجوز أحمد عز ... وأرفض لقب عانس

صاحبة الفستان الأزرق

وأضافت: "فوجئت بعد يومين من الفرح بأصحابي في الكلية بيكلموني الساعة 3 الفجر، وإني طلعت تريند أول على تيك توك والفيديو عامل 2 مليون مشاهدة، وحصلت لي صدمة وانهيار، بأي حق صاحب القاعة ينشر الفيديو؟".

انتقدت ياسمين ياسر الاستخدام السيئ للسوشيال ميديا بقولها: "أنا لا متجوزة ولا مخطوبة زي ما قالوا، والسوشيال ميديا بتحاول تطلع المواضيع تريند علشان تكسب فلوس من وراها، وصاحب القاعة طلع الفيديو علشان يشهر نفسه والقاعة بتاعته، وألاقي بعدها جرابيع السوشيال ميديا مطلعين إشاعات عني".

طالع أيضا - متسابقة برنامج "الدوم" ياسمين أيمن تنفي وفاتها في حادث التجمع

واعترفت ياسمين بأنها عاشت فترة حيرة في التصرف المناسب بعد الواقعة قائلة: "كنت في الأول تايهة، هل أسكت وأحبس نفسي، لكن والدتي قالت انزلي امتحانك إنت معملتيش حاجة غلط، وصاحب القاعة المفروض يتعاقب".

صاحبة الفستان الأزرق

وردا على سؤال عن تواجد رجال في الفرح أثناء رقصتها، قالت: "كل اللي ورايا كانوا حريم، وكان في 3 رجالة أبو العروسة وخالها وأبو العريس، و4 شباب من فرقة تبع القاعة بيعملوا شغلهم".

أوضحت ياسمين ياسر رد فعل أسرتها على الواقعة قائلة: "أهلي ساندوني وتحملوا كلام سيئ وتعليقات على السوشيال ميديا، وشجعوني أنزل لإن الهروب مش حل، لكن كلام الناس دبحني، وإحنا مش بنرحم بعض".

صاحبة الفستان الأزرق

وأكملت: "أنا لو متجوزة هحترم جوزي ومينفعش أرقص كده، لكن أنا بنوتة صغيرة في فرح عائلي مفيش فيه شباب".

وجهت صاحبة الفستان الأزرق رسالة إلى كل منتقديها قائلة: "بتعاقبوني بدل ما تعاقبوا الناس اللي بيستخدموا السوشيال ميديا غلط، هاجموني لو أنا اللي نزلت الفيديو أو نزل برغبتي، وأكبر دليل على كده إني فضلت مختفية، ومكانش عندي الجرأة أدافع عن نفسي".