زوجة خالد يوسف: مش متجوزة شيخ جامع عشان أغير عليه

مروة لبيب

مروة لبيب تاريخ النشر: الأربعاء، 21 يونيو، 2023 | آخر تحديث:

شاليمار الشربتلي وخالد يوسف

كشفت الفنانة التشيكيلة شاليمار الشربتلي الكثير من الأسرار عن حياتها الشخصية وعلاقتها بزوجها المخرج خالد يوسف.

وخلال لقائها مع الإعلامية سهير جودة على هامش حضورها أحد المعارض صرحت شاليمار الشربتلي بالعديد من التصريحات نرصدها لك في السطور التالية:

-لا أغار على زوجي على الرغم من تواجد الفتيات حوله للحصول على فرصة في التمثيل مضيفة "أنا مش بغير أغير ليه؟ وكون ان في بنات بتقرب منه لأن ده مجاله انا متجوزتش شيخ مسجد أنا اتجوزت مخرج، وهو اتجوز رسامة هو حواليه ناس كتير والرسامة حواليها ناس كتير وعن قناعة ارتبطنا ببعض، وانا أصلا شخص مش غيور ودي من مواصفات برج الدلو.

شاليمار الشربتلي

-لم أطلق اسم شاليمار على ابنتي بل زوجي مضيفة "أنا مختارتش الاسم دا خالد حب يعمل فيها رومانسي واتفاجئت بيه بيكتبها شاليمار وهو وقت ولادة بنتي كان رومانسي فعلا.

-لا ألتفت للشائعات حول زوجي بل أتجنبها مضيفة "اللي متجوزة دكتور نسا تعمل ايه، انتي اختارتي الحياة دي يبقا لازم تعيشيها.

شاليمار الشربتلي

-ليس لدي عتاب أوجهه لخالد زوجي فمواقفه معي لا تعد ولا تحصى مضيفة "معنديش عتاب لخالد خالص أعاتبه ليه؟ خالد وقف جنبي في مواقف كتير وربنا يخليه ليا ولبنتي وأنا وهو مختلفين كل واحد له اراء مختلفة بس بيجمعنا الحب وكل واحد فينا بيحترم اختلاف الثاني حتى لو اتخانقنا ومتكلمناش.

شاليمار الشربتلي وخالد يوسف

-لا اقتنع بالتربية الحديثة ومسئولية الأمومة أضخم مسئولية في العالم مضيفة " لازم الأم تبقى قوية مش ضعيفة، والأم اللي تتعامل مع ابنها بالشوكة والسكينة متبقاش أم، كلمة الضنا غالية جدا، ربنا سمى اسمه الرحمن من الرحم.. وأنا صغيرة كنت بضرب العيال، طويلة بقى وعندي ثقة في نفسي ما انا متربية مع 4 ولاد للاسف كنت عنيفة.

شاليمار الشربتلي وخالد يوسف

-لا يوجد شيء اسمه تنمر نحن بشر ومجبرين على السخرية مضيفة "لو خايفة من كلمة التنمر لازم ابنك تربيه يبقى نبت قوي، لما حد يتنمر عليه يعرف يرد.

- الفرق في أداء هالة صدقي بين "جعفر العمدة" و"سره الباتع" زي الفرق بين "سكر محلي محطوط على كريمة" وأم كلثوم.