قالي شيلي إيدك من على خدك.. ميمي جمال تروي اللحظات الأخيرة في حياة حسن مصطفى

مروة لبيب

مروة لبيب تاريخ النشر: الثلاثاء، 20 يونيو، 2023 | آخر تحديث: الثلاثاء، 20 يونيو، 2023

ميمي جمال

كشفت الفنانة ميمي جمال اللحظات الأخيرة في حياة زوجها الراحل حسن مصطفى عام 2015.

وخلال لقائها مع الإعلامي عمرو الليثي في برنامج "واحد من الناس" قالت ميمي جمال أن آخر لحظات للفنان حسن مصطفى كانت بجواره فى المستشفى، مضيفة "قال لى شيلى ايدك من على خدك، هتحطيها كتير بعد كده اجمدى اللى جاي صعب وحط دماغه على المخدة وراح ، بعدله علشان ينام لاقيته مش بيرد جريت على الدكاترة فقالو لى البقاء لله والساعة كانت ٤ الفجر، ومبلغتش بناتى علشان ما اخضهمش وهما هييجوا بكره بدرى يعرفوا وفضلت جنبه اكلمه لحد الصبح".

ميمي جمال

نرشح لك - بسمة وهبة ترد على جويل ماردينيان: عايزة تبقي "بلبوصة" إنت حرة ... متدخليش ربنا في الموضوع

و أضافت انها تتحدث مع الكرسي الذي كان يجلس عليه مضيفة " كنت بعد وفاته اعدى على أوضته اقوله تصبح على خير وكانه موجود ، حسن كان ليه تواجد وكاريزما فى البيت مفتقداها".

ميمي جمال وعمرو الليثي

وأشارت ميمى جمال إلى إنها كانت سعيدة معه طوال سنوات الزواج وابنته من زوجته الأولى مضيفة "كنت مبسوطه طوال حياتى معاه ، وبنته من زوجته الاولى بقت زى بنتى علي الرغم من انها فى الاول كانت بتعاملنى وحش بسبب انها حاسه انى اخدت ابوها، لكن بعد كدا مفيش فرق بينها وبين بناتى".

يشار إلى أن ميمي جمال شاركت في رمضان 2023 في مسلسل "علاقة مشروعة".

مسلسل "علاقة مشروعة" بطولة ياسر جلال ومى عمر وداليا مصطفى ومراد مكرم، بسنت شوقى، عفاف مصطفى، ياسمين رحمي، وردشان مجدى، وعدد آخر من الفنانين، والعمل من تأليف سماح الحريرى وإخراج خالد مرعى وإنتاج مشترك بين شركتى "Forever Drama - مها سليم" و"media Hub – سعدى جوهر".