حمو بيكا: عمر كمال غامض وقاطعني بعد كلامي عنه في "العرافة"

محمد سليم

محمد سليم تاريخ النشر: الثلاثاء، 13 يونيو، 2023 | آخر تحديث:

حمو بيكا

كشف مغني المهرجانات حمو بيكا عن أن كلامه عن الفنان عمر كمال في برنامج "العرافة" في رمضان الماضي تسبب في قطيعة جديدة بينهما.

وقال حمو بيكا خلال لقائه مع الإعلامية ريهام سعيد في برنامج "صبايا الشمس" المذاع عبر قناة الشمس: "أنا كنت بهزر في برنامج العرافة وقلت عمر كمال عامل عمل عشاني، لكن كنت بهزر وأنا بحب عمر".

نرشح لك - بعد نجاحه في رمضان 2023... محمد رمضان يعلن عن تقديم الجزء الثاني من "جعفر العمدة"

عمر كمال

وأضاف: "بعد الحلقة كلمته وقلت له أن بهزر إنت مليكش دعوة، ومن بعدها مكلمنيش ومعزمنيش في فرح أخته".

وكان حمو بيكا حل ضيفا على الإعلامية بسمة وهبة في برنامج "العارفة" في رمضان الماضي، وتحدث عن تعرضه لعمل سحري.

طالع أيضا - علي ربيع يعلق على احتفال لاعبي الأهلي على أغنية "سطلانة"

حمو بيكا

وقال بيكا: "عمر كمال هو اللي عملي السحر، عشان أقف وما أشتغلش.. الشيخ قالي حد أسمه عمر.. وقالي كلكم هتقعدوا وهو الوحيد اللي هيشتغل".

حمو بيكا

وتابع: "الحمدالله فكيت السحر واشتغلت.. وغلبته بالقرآن الكريم.. وبعدها صاحبت عمر كمال خوفًا منه عشان ميعمليش حاجة تاني، ولابس الفانلة الداخلية بالمقلوب".

تحدث حمو بيكا خلال اللقاء عن تخلي عدد من أقرب أصدقائه عنه في الأزمات التي مر بها في الفترة الماضية، بالرغم من المبالغ المالية الكبيرة التي صرفها عليهم قبل زواجه.

حمو بيكا

وقال بيكا: "مش عايز أتكلم عن الصحاب، ناس كتيرة أكلت معاهم عيش وملح، ولا واحد ساعدني بأي شيء، وكنت بأجر فيلات في الساحل وأدفع 15 ألف جنيه في اليوم وأكل وشرب على حسابي، ولما اتوقفت إتخلوا عني، وعمر ما واحد خبط وقال ناقصك إيه".

وتابع: "صحيت من النوم على تليفون واحد بيقول آخرك طلقة معايا، وده صاحب عمري وعالجته من الإدمان في المصحة أربع مرات بالسنة والست شهور، كل دي فلوس كانت بتدفع، وشغلته عند ناس وسرقهم، ودلوقتي عايز فلوس علشان يجيب مخدرات".