حمو بيكا: حسن شاكوش زعل من كلامي مع "شيخ الحارة" وكان قصدي يبعد عن السهر في أول جوازه

محمد سليم

محمد سليم تاريخ النشر: الثلاثاء، 13 يونيو، 2023 | آخر تحديث:

حمو بيكا وحسن شاكوش

كشف مغني المهرجانات حمو بيكا عن أن التصريحات التي أدلى بها في برنامج "شيخ الحارة" في رمضان الماضي تسببت في قطيعة بينه وبين المطرب حسن شاكوش.

وقال حمو بيكا خلال لقائه مع الإعلامية ريهام سعيد في برنامج "صبايا الشمس" المذاع عبر قناة الشمس: "حسن زعل لما إتكلمت في شيخ الحارة، وقلت مينفعش يبقى متجوز وينزل يسهر في أول جوازه".

نرشح لك - بالصور ... وصفات مي عمر للحظات سعيدة بأشياء بسيطة

حمو بيكا

وأضاف: "كنت عايز أوصل رسالة لمديرين أعماله يشوفوا حياته، ويخلوه يشوف شغله، لإنه مختفي ومعملش أغاني من فترة، لكن مش قصدي أجرحه".

حمو بيكا

وردا على سؤال هل حاول التدخل لإنهاء الأزمة بين حسن شاكوش وزوجته، قال: "حسن مش بيرد على تليفوني أتدخل إزاي".

طالع أيضا - وفاة خطيبها قبل يوم من زفافها وعمل من صديقتها لتصبح مريضة … سلسلة أزمات حورية فرغلي

حسن شاكوش وزوجته

تحدث حمو بيكا خلال اللقاء عن تخلي عدد من أقرب أصدقائه عنه في الأزمات التي مر بها في الفترة الماضية، بالرغم من المبالغ المالية الكبيرة التي صرفها عليهم قبل زواجه.

وقال بيكا: "مش عايز أتكلم عن الصحاب، ناس كتيرة أكلت معاهم عيش وملح، ولا واحد ساعدني بأي شيء، وكنت بأجر فيلات في الساحل وأدفع 15 ألف جنيه في اليوم وأكل وشرب على حسابي، ولما اتوقفت إتخلوا عني، وعمر ما واحد خبط وقال ناقصك إيه".

حمو بيكا

وتابع: "صحيت من النوم على تليفون واحد بيقول آخرك طلقة معايا، وده صاحب عمري وعالجته من الإدمان في المصحة أربع مرات بالسنة والست شهور، كل دي فلوس كانت بتدفع، وشغلته عند ناس وسرقهم، ودلوقتي عايز فلوس علشان يجيب مخدرات".

وعلق حمو بيكا خلال اللقاء على مقاطع الفيديو التي انتشرت له، من احتفاله بعيد ميلاد زوجته، حيث قام بإهدائها قلادة ذهبية كبيرة ومشغولات ذهبية أخرى قائلا:"الناس فاهمة إن الحياة كلها ذهب، زي ما قالوا إني عملت عربيتي بالذهب، أنا معايا كام علشان أكسي كل العربية بالذهب، ده ورق اسمه ورق عيار 24".