كشفت الحاجة علية، مساعدة النجمة يسرا، كواليس عملها معها لمدة تزيد عن 40 عاما، منذ مشاركتها في بطولة فيلم "حدوتة مصرية".

وقالت مساعدة يسرا في تصريحات لبرنامج It’s Showtime المذاع عبر قناة CBC: "بقالي سنين كثيرة مع الفنانة يسرا، وهي ست مريحة في الشغل".

نرشح لك - بدأ على مسرح الجامعة ورافق خالد صالح حتى وفاته ومثل مع عادل إمام وهنيدي و"أصحاب ولا بيزنس" أشهر أعماله ... تعرف على مسيرة طارق عبد العزيز بالصور

وأضافت: "مكانش في حاجة اسمها إستايليست، أنا اللي كنت بعمل تصميم اللبس للعمل بالكامل والشخصية، وما زلت معاها لحد النهاردة".

أوضحت الحاجة علية طبيعة عملها مع يسرا قائلة: "لما العمل ييجي أقراه وأعمل التفريغ، ونقعد نتفق مع الكاست من الإخراج والإنتاج هتلبس إيه، وأول ما نتفق طول الوقت بكون مرتاحة في الكواليس، لإنها مش بتغير رأيها، إلا إذا غيرنا حاجة في السيناريو أو المخرج طلب حاجة، وإحنا كمكياج وكوافير وملابس خلاص عرفنا دماغها وإيه يليق لها".

طالع أيضا - في عيد ميلادها الـ48 .. أكثر لحظات مثيرة للجدل في مسيرة أنجيلينا جولي من تقبيلها لأخيها إلى استئصال الثدي

وتابعت: "أنا عارفة إيه اللبس الجديد عندها في دولابها، وإيه اشتغلنا بيه قبل كده، ودولاب الفنان زي سلاح الجندي، لإنه واجهة الفنان".

وردا على سؤال ما أكثر ما تتميز به يسرا، قالت: "لما أدخل عليها التصوير أحيانا يكون عندي مشاكل في بيتي لكن أبتسم، تقوللي ابتسامتك مش تمام إيه اللي مضايقك، ويا إما أترمي في حضنها وأحكيلها أو تديكي فرصة وتسمعك وده مش موجود كتير".

كما كشفت الحاجة علية الكواليس الخاصة بيسرا في شهر رمضان قائلة: "لما رمضان يدخل علينا تلاقيها عاملة فطار في البيت، ولازم الناس كلها تفطر مع بعض، وتلاقيها زي الأم عايزة تأكل عيالها ومهتمة".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5