علقت البلوجر جليلة المغربية، على هجوم الفنانة بسمة بوسيل طليقة الفنان تامر حسني، ضد مديرة أعمالة هالة عمر في ليلة زفافها.

وكشفت جليلة، عن تعرضها للسب والقذف، بدعوى وجود علاقة لها بوقوع الطلاق بين الفنان تامر حسني، والفنانة بسمة بوسيل، بعد إعلانها من قبل تفاصيل قصة الحب التي عاشتها معه حسب تصريحاتها.

نرشح لك - أم كلثوم عبر #ChatGPT: هذه شروطي للغناء باستخدام الذكاء الاصطناعي

وكتبت جليلة عبر خاصية ستوري حسابها على Instgram: "الحمدلله ظهر الحق وزهق الباطل أن الباطل كان زهوقا.. حسبي الله ونعم الوكيل في كل من ظلمني وقال ما ليس فيني، والحمدلله أن الحق بان، وعرفتوا اني مالي اي علاقة بالموضوع نهائيًا".

جليلة المغربية وتامر حسني وزوجته بسمة

وأضافت: "تعرضت لجميع أنواع السب والشتم والقذف بموضوع أنا بريئة منه، ورب العالمين اظهر الحق، وبين الحقيقة أمامكم كلكم، عشان ما ترجعوا تظلموني وتقولوا عني خرابة بيوت وتذكروا دايمًا أن الظلم ظلمات".

وكانت بسمة بوسيل هاجمت مديرة أعمال طليقها الفنان تامر حسني هالة عمر ليلة زفافها الذي أقيم منذ ساعات.

وعبر خاصية القصص المصورة على Instagram، نشرت بسمة بوسيل صورة تامر حسني مع مديرة أعماله في زفافها وعلقت "حسبي الله ونعم الوكيل فيكي يا هالة".

وفي ستوري أخرى أوضحت بسمة بوسيل "احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك".

طالع أيضا: عملت معه في سن الـ14 .. من هي هالة عمر مديرة أعمال تامر حسني التي اتهمتها بسمة بوسيل بالتسبب في طلاقها؟

جاء ذلك بعد أن نشر تامر حسني فيديو عبر Instagram من زفاف مديرة أعماله وكتب "لكل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها.

وتابع تامر حسني: لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة.

وأضاف تامر حسني: وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب.

واستكمل تامر: فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله.

واختتم تامر حسني: ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله.

اقرأ أيضًا:

"تايم لاين" - تفاصيل 3 ساعات قلبت الدنيا ... ماذا حدث بين بسمة بوسيل وتامر حسني ومديرة أعماله!

فيلم "بنات ألفة".. وثنائية الشخصية والممثل على الشاشة

كريم فهمي يقيم حفل توقيع ومناقشة كتابه الأول في معرض أبوظبي الدولي للكتاب

عمرو مصطفى يعلن تسوية أزمته مع أسرة أم كلثوم (فيديو)

لا يفوتك: اسمع "عمك البات" قال إيه عن ليلة تكريم الموسيقار محمد الموجي بالرياض

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ