صبري عبد المنعم: تعرضت للنصب في تحويشة عمري

Filfan

Filfan تاريخ النشر: الثلاثاء، 23 مايو، 2023 | آخر تحديث:

صبري عبد المنعم

كشف الفنان صبري عبد المنعم تفاصيل تعرضه للنصب على يد أحد أصدقائه في الوسط الفني، وخسارته 1.9 مليون جنيه.

وقال صبري عبد المنعم في مداخلة مع برنامج "ملفات"، الذي تقدمه الإعلامية أميرة بدر عبر قناة هي: "اللي نصب عليا واحد أعرفه من 10 سنين وبنقعد مع بعض، جيت قولتله عايز أبيع الشقة دي تحويشة 50 سنة شغل، وعشان عيالي ياخدوا الفلوس، وعملت عملية لمدة شهرين في القلب وكنت تعبان وبيجيلي ألزهايمر من حين لآخر".

نرشح لك - لميس الحديدي تكشف تفاصيل اتصالها بعبلة كامل بعد مطالب تكريمها في مهرجان القاهرة السينمائي

صبري عبد المنعم

وأضاف: "بعد أسبوعين جالي وقاللي جبتلك مشتري للشقة وادتله عقود الشقة، هو شخص من الوسط بس الكارير بتاعه غير، ومش هقدر أكشف شخصيته عشان في تحقيقات.. وأنا عمري ما خنت حد ولا عديت فلوس ورا حد".

صبري عبد المنعم

وتابع: "نزلت معاهم البنك وكان الشيك بالدولار وقالولي اسأل بعد 45 يوم، ورحت ولقيت التوكيل بتاع المشتري مكتوب باسم واحدة مش واحد اللي أنا مضيت عليه، ورحت معاهم وأنا في حالة مزرية وتعبان جدا، ومخدتش ولا جنيه".

طالع أيضا - شيرين عبد الوهاب: أنا وحسام خناقاتنا دايما يوم شغلي...واسمي على تليفونه "شوكليت"

صبري عبد المنعم

وكانت النيابة العامة استمعت إلى أقوال الفنان صبري عبد المنعم، والذي أفاد في أقواله بأن المتهمين أوهموه بشراء شقته بعقود موثقة، وبعدما تم تحرير العقود هربوا دون دفع مبلغ البيع مليون و900 ألف جنيه.

برنامج "ملفات" تقدمه الإعلامية أميرة بدر على شاشة "هي" يوميًا من الأحد للأربعاء، وتناقش خلاله عددًا من القضايا التي تشغل الرأي العام، بالإضافة إلى استضافة نجوم الفن والرياضة.