وجهت الفنانة سماح أنور رسالة شديدة اللهجة لفئة من المصريين وصفتهم بالجهلة لكرههم للفن والفنانين، وذلك بعد رفض أصحاب العقار الذي كان يسكن فيه والديها، الكاتب والسيناريست أنور عبد الله ووالدتها الفنانة سعاد حسين والنجمة شادية.

قالت سماح أنور في بث مباشر عبر حسابها بموقع Facebook: "هناك مجموعة من الشعب تكره الفنانين وتشتمهم وتنظر لهم بطريقة دنيئة، وده مش بيهم الفنان لأنه بيبدع عشان يتبسط ويبسط الناس اللي بيحبوه، واللي مش سعيد بالفن والفنانين يولع، إحنا كفنانين مش بنعمل الفن عشانك، إحنا بنعمله عشاننا إحنا وعشان خاطر موهبتنا اللي من روح الله نفسه، بس الناس الجاهلة".

وطالبت سماح أنور خلال الفيديو بضرورة إجراء قانوني ضد صاحب هذا العقار لوضع لافتة والديها تكريمها لهما ولمشوارهما الفني، وذلك ضمن مبادرة "عاش هنا"، التي توضع عند منازل الفنانين الراحلين، تكريما لذكراهم، بالتنسيق مع وزارة الثقافة وأبناء الفنانين.

وقالت: أنا مش بعمل الفيديو عشان يوافقوا، لا أنا بعمله عشان دا ماينفعش يتساب كدة، ماينفعش حد يسيب التخلف دا في النور، اللي يسيبه يبقى مالوش لازمة في الحياة كلها.

ووجهت رسالة لأصحاب العقارات الذين رفضوا وضه اللافتات، قائلة: "أنتم إيه؟ عايزين ايه؟ عايزين مصر تطفي، عايزين مصر مايبقاش فيها فن، هتفضلوا تبهدلوا وتدبحوا في الفنانين يا شعب مصر كتير؟ قيمتكوا بترموها وتدوسوا عليها وفاكرين هيبقى لكم قيمة؟ الفن المصري بيدي قيمة، والفنان المصري له قيمة كبيرة، اللي مش عارفها دي مشكلة عنده هو، محدش فاكر مين شتم أي فنان، أما الفنان الحي أو الراحل عايش بفنه وحب الناس ليه".

وأضافت: أنا مخنوقة أوي من الناس اللي في مصر اللي روحهم ضلمت.

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5>