أسما إبراهيم ترد على منة شلبي: مش مقصود اللي بتحاولي توصليه من ردك

مي جودة

مي جودة تاريخ النشر: الأربعاء، 12 أبريل، 2023 | آخر تحديث: الأربعاء، 12 أبريل، 2023

منة شلبي وأسما إبراهيم وريهام عبد الغفور

ردت مقدمة البرامج أسما ابراهيم على النجمة منة شلبي بعد سؤال ريهام عبد الغفور في حلقتها ببرنامج "حبر سري" عن أن منة شلبي سبقتها بخطوات كبيرة .

وقالت أسما إبراهيم ردا علي منة شلبي علي تويتر: "بعيدا عن الطريقة والعيب واللي مش عيب في السؤال الموجه للجميلة ريهام عبد الغفور ، ما كانش مقصود التقليل من المبدعة ريهام عبد الغفور بالسؤال ده خصوصا أنها محققة نجاح كبير شايفينه ولامسينه، الغرض من السؤال ما كانش خبيث قد ما هو إشادة بتاريخ منة شلبي وتحفيز ريهام عبد الغفور للاستمرار في صعودها ونجوميتها اللي اتأخرت لأسباب ملهاش علاقة بروعة اداءها ولا بموهبتها الكبيرة، وبأكد أن كل التقدير والاحترام لريهام عبد الغفور وان مش مقصود تماما اللي وصلك او اللي بتحاولي توصليه من ردك".

عيب.. منة شلبي ردا على توجيه هذا السؤال لريهام عبد الغفور

أسما إبراهيم ترد على منة شلبي

يذكر أن منة شلبي انتقدت السؤال الموجه إلى الفنانة ريهام عبد الغفور خلال استضافتها في برنامج "حبر سري"، المذاع عبر قناة "القاهرة والناس"، وتضمن مقارنة بينهما، وكان: "تقري وتعترفي إن منة شلبي سبقتك بخطوات كتير أوي"، وردت ريهام "اعترف جدا .. منة شلبي دي حبيبة قلبي، أنا من أشد المعجبين بيها وأنا بحبها وبحترمها جدا فنيا وإنسانيا وبحترم التطور اللي حصلها على كل المستويات وبتمنالها كل التوفيق في مسلسلها".

وعلقت منة شلبي على السؤال كاتبة: "عيب اوي الاسئله اللي من النوع ده حقيقي عيب 🙈ريهام فنانه كبيره جدا و احنا مش ف سباق احنا كلنا بنكمل بعض مش بننافس بعض! عيب".