أكد المخرج عمرو سلامة أنه يفخر بانتماءه لجيل من المخرجين المتعاونين.
ونشر عمرو سلامة صور جمعته مع المخرجين من بينهم مروان حامد، محمد دياب، بيتر ميمي، محمد شاكر خضير.
وكشف سلامة أنه يعتز بتعاونه الدائم مع زملائه، وكتب: "يشاع أن عدوك إبن كارك، لكن لو كان إبن كارك بيلهمك، وبتتعلم منه، وبيساعدك في تطوير نفسك، بنصيحة أو حتى بشغله لمًا يعمل عمل حلو تقدر تتعلم منه، يبقى ليه يكون في أي عداوة؟".
وتابع: "المنافسة مجرد نفسنة، لو هدفك إنك تبقى رقم واحد أو حتى محطوط في قايمة ما، ده هدف مرهق وغبي في حد ذاته ومستحيل عمليا قياسه، هدفك فقط تطور من نفسك وتقارن نفسك النهاردة بنفسك إمبارح وتسأل نفسك إزاي هبقى أحسن بكرة".
وأضاف عمرو سلامة: "أنا بشوف نفسي محظوظ إني من جيل مخرجين مش مشغول بالمنافسة والمقارنات، وكلهم عندهم من الاريحية انهم يساعدوا بعض، يغذوا بعض، والأهم يبقوا صادقين مع بعض، وخصوصا إننا كلنا فاهمين مشاكل وتحديات بعض، ومجرد كلامنا عليها بيقلل الاحساس بالاحباط والوحدة".
وتابع: "والحقيقي اللي متاكد منه، ان معظم الجيل ده - أو على الأقل اللي أعرفهم عن قرب -بيتمنى الخير لبعض ومش حاسس أبدًا إنه في سبق. إلى كل زميل كان صديق ومعلم، شكرا. وساعات، ما حبيبك إلا إبن كارك".
يذكر أن عمرو سلامة أنتهى مؤخرا من تصوير فيلم "شماريخ" من تأليفه وإخراجه، وبطولة آسر ياسين، أمينة خليل، خالد الصاوي، محمد ثروت، مصطفى درويش وآدم الشرقاوي.
اقرأ أيضا:
كيت بلانشيت تفكر في الاعتزال بسبب فيلمها الأخير: لا أريد أن أعمل مجددًا
أحمد عيد ينفي تجاهل الوسط الفني له: مش فارق معايا أشتغل وكلامي بيتحور
هاني شنودة: نجاة الصغيرة اصطادت ألحاني متخفية من تحت شباك بيتي
لا يفوتك: شاهد فناني وفنانات مصر والعرب والعالم في أضخم حفلات المملكة العربية السعودية (جوي أووردز Joy Awards)
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5