تحدثت الفنانة صفوة عن مهنة الرقص ونظرة المجتمع للراقصات.

وأضافت صفوة خلال لقائها مع الإعلامية مروة صبري في برنامج قعدة ستات المذاع على شاشة "القاهرة اليوم": دلوقتي مين الناس الكويسة، اللي احنا بنحترمهم، وهنفضل نحترمهم في زمن الفن الجميل، زى دنيا، وبوسي، وفيفي عبده، وأنا بعترف أن دول فنانات راقصات إلى أبعد الحدود محترمات، وهم فوق دماغي".

نرشح لك - الأسود والأحمر والريش يسيطرون على إطلالات النجمات في حفل Joy Awards

وأضافت صفوة: "من 10 أو 8 سنين فاتوا، ظهر عدد من الراقصات زي، صافينار، وكل ما العري ما بقا أكبر، كل ما الفنان بقا أكبر، والفنانات والراقصات المحترمات اللي بكلم عليهم، بقا شغلهم أقل بكتير".

وتابعت: "أي بلد أجنبي، بيقدروا الرقص الشرقي جدًا، وأنا مش مكسوفة من لقب راقصة، لكن مهنة الرقص ما فيش حد بيقدرها بالتقدير المناسب لها، ولازم الناس يكون الوعي بتاعها غير".

وواصلت صفوة حديثها: "دخلي من الرقص كان كبير جدًا، وحتة راقصة دي، أنا محيتها لأني أعتزلت من 14 سنة، وأنا مش حابة، أن يسبق أسمي اسم الراقصة، وأنا عارفة اللي بقوله ده هيقوم الدنيا عليا".

واختتمت: "أنا عملت مجهود كبير جدًا، عشان أثبت أني ممثلة قوية، وعلشان أمحي أن يبقى قبل اسمي الراقصة، وده كلام أول مرة أقوله، وكلمة الراقصة في حد ذاتها في المجتمع الشرقي، لا يتم قبولها، وبالرغم أن مهنة الرقص صعبة جدًا، ويكفي أن الراقصة بتشغل معاها 40 راجل بشنبات".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5