أكدت الفنانة سهير رمزي أن الشيء الوحيد الذي تندم عليه هو عدم الإنجاب، خاصة أنها رأت كيف كانت تقف إلى جوار والدتها في فترة مرضها وهي الآن وصلت إلى عمر كانت تحتاج فيه لشخص يقف بجانبها.
وقالت سهير رمزي في الجزء الثاني من حلقتها ببرنامج "حبر سري" من تقديم أسماء إبراهيم عبر قناة "القاهرة والناس": الحاجة الوحيدة اللي نرجع لكلمة الندم مش بندم لكن زعلانة أني عملت في نفسي كده أني مجبتش الإنسان اللي يقف جنبي، وعشان كده مبسوطة من الجيل الجديد بيشوف حياته وبيشوف بيته وولاده وبيتجوزوا، لكن إحنا جيلنا كنا خايفين من الشهرة والنجاح وأن جسمي يبوظ.
وتابعت: أنا لو كنت جبت ولد مش هخرج بره البيت ولا هشوف حد، كانت أنانية مني أني حبيت سهير رمزي أكتر ما حبيت أن يبقى ليها طفل أو حد.
وعن فكرة تبني طفل: فكرت طبعا بس مش يعيش معايا لأنها مسئولية لكن من بعيد.
وخلال الحلقة تحدثت سهير رمزي عن فيلمها "المذنبون" كاشفة أنه كان سببا في طلاقها.
قالت سهير رمزي: "فيلم (المذنبون) كان به الكثير من الأبطال وموضوعه قوي، وناقش قضايا مهمة في المجتمع وقتها، وكان السبب في طلاقي".
وتابعت: أنا عنيدة بطبعي وجوزي رفض تمثيلي للفيلم واشترط عليا لو وافقت هنطلق وننفصل وبالفعل اطلقنا، ورجعنا بعد كده.
وأضافت: قصة المذنبون كانت في بداياتي الفنية ومن كتابة نجيب محفوظ وجريت على الفيلم ووافقت وعملت الفيلم وكنت فرحانة به جدا، وهو من علامات السينما ومقدرش أقول عليه حاجة ولكن كنت جريئة في مشاهد فيه.
يذكر أن سهير رمزي تواصل تصوير مسلسلها "أم البنات" ويشاركها في بطولته ناصر سيف، فريال يوسف، محمد عبد الجواد، حنان سليمان، حنان يوسف، ياسر علي ماهر، أيمن عزب، سميرة صدقي، مادلين طبر، فاطمة الكاشف، والفنانين الشباب: هاجر الشرنوبي، ديانا هشام، منة عرفة، هايدي رفعت، سيلين عبد العزيز، محمد مهران، محمد أحمد ماهر، أحمد جمال سعيد، حسن عيد، رانيا الخواجة، صوفيا، إكرامي هجرس، ياسمين جمال، محمد طارق، ولاء سلام، إنتاج رمسيس للإنتاج الفني – للمنتج محروس المصري، تأليف أحمد صبحي، ومن إخراج عبد العزيز حشاد.
اقرأ أيضا:
سهير رمزي: فيلم "المذنبون" كان السبب في طلاقي
نجلاء بدر تعلق على تصريحات رضوى الشربيني وياسمين عز: عبث
هدى: مش بلاقي فلوس أدفع مصاريف مدرسة بنتي
#شرطة_الموضة: أنغام بفستان Zebra وردي قصير ستان في عيد ميلادها.. سعره يقترب من 20 ألف جنيه
لا يفوتك: "تحليل النغمات مع عمك البات" تقييم أغنية "يا عراف" لأحمد سعد وأحمد زعيم والفنان التونسي نوردو
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5