لقاء الخميسي في رسالة لجمهورها: بنيجي على نفسنا عشان نبسطكم حبونا شوية

نهال ناصر

نهال ناصر تاريخ النشر: الاثنين، 16 يناير، 2023 | آخر تحديث:

لقاء الخميسي

وجهت الفنانة لقاء الخميسي رسالة لجمهورها ومتابعيها طالبتهم فيها باحترام آرائها، كما وجهت رسالة للصحافة التي تأخذ تصريحات عنها ويتم اقتطاعها من سياقها.

وظهرت لقاء الخميسي في فيديو عبر خاصية القصص القصيرة في حسابها على Instagram ووجهت رسالتها.

وقالت: رسالة للصحفيين اللي بيحبوا يكتبوا الأخبار عشان التريند وناس تدخل يا تكتب الخبر كامل وصح كما قيل يا متكتبوش وتحترم نفسك.

لقاء الخميسي وجهت رسالة لجمهورها

وتابعت: رقم 2 رجاء من كل الناس اللي بتابع السوشيال ميديا اللي بيحب حد يدخل عنده ويقول كلمتين حلوين أو ليصمت ممكن نختلف في الآراء لكن نتعلم إزاي نحترم الاختلاف نبطل نهين بعض ونبطل نرفض أفكار بعض كل واحد زي ما إتربى واتثقف كل واحد ليه تفاصيله ومعتقداته ممكن اختلف باحترام، ولا يصح أن أهاجم حضرتك حاجة بقت تزهق بصراحة.

نرشح لك: بعد مرور 41 عاما.. خطأ لنور الشريف في فيلم "غريب في بيتي" لم تلاحظه من قبل

لقاء الخميسي في فيديو عبر حسابها على "إنستجرام"

وأكملت: يا جماعة الممثل بني آدم عنده نفس التفاصيل اللي بتمر بيها عنده مشاكل إحنا بنظهر بس الجانب المشرق إحنا موجودين عشان نفرحكم ونقدملكم حاجة تغير مودكم إحنا بنيجي على نفسنا عشان نبسطكم حبونا شوية وشوفونا بني آدمين عندنا مشاكل مفيش حد في العالم معندوش مشاكل الرحمة حلوة.

وكانت لقاء الخميسي قالت في لقاء إن أصدقائها من الرجال أكثر من النساء وأن زوجها اللاعب محمد عبد المنصف لا يمانع في ذلك.

آخر أعمال لقاء الخميسي مسلسل "إجازة مفتوحة"

وخلال لقائها في برنامج Girls Space، قالت لقاء الخميسي "عندي صحابي الرجالة كتير أوي يعني صحابي الرجالة أكتر من الستات ومحمد جوزي متقبل لأن في منهم ناس أعرفهم من قبله وهما اتنين قريبين ليا جدا".

لقاء الخميسي من برنامج "حكايتي"

وأضافت لقاء الخميسي "في ناس قريبين ليا في الوسط الفني ومحمد عارف، وطالما العلاقة في إطارها المتعارف عليه يبقى خلاص".

يذكر أن لقاء الخميسي شاركت مؤخرا في مسلسل "إجازة مفتوحة" من تأليف أحمد محمود أبو زيد وإخراج محمد عبد الرحمن حماقي، بطولة شريف منير، سميحة أيوب، هشام إسماعيل، مراد مكرم، سامي مغاوري، دنيا ماهر، ملك قورة، كريم أبو زيد، نور محمود ومؤمن نور.