كشف الفنان رامي صبري كواليس تحضير ألبومه الجديد "معايا هتبدّع" وسبب ابتعاده عن طرح ألبومات خلال العاميين الماضيين ورأيه في أغاني المهرجانات والراب وأمنيته في العام الجديد 2023.

جاء ذلك خلال مداخلة هاتفية مع برنامج "التاسعة" على القناة الأولى سنستعرض ملخصها في السطور التالية...

نرشح لك- الوجه الآخر للأسطورة بيليه ... 47 عاما من الفن أحب خلالها زبيدة ثروت ومثل مع ستالون ومايكل كين

- اختيار أسماء أغنيات الألبوم أستغرق بعض الوقت.

- لما جينا نعمل البوستر كان في مشكلة إن الناس هتقرا هتبدّع وتبقى تبدِع، الاتنين واحد، والأغنية عملها عزيز الشافعي ودخلت في الأخر خالص، قبل ما الألبوم ينزل بـ3 أسابيع.

- كنت صورت الفيديو الدعائي، وخليت اسم الألبوم "معايا هتبدع" لسببين أولهم أنها أغنية مهمة تشتغل في كل حتة بالليل، سواء كان فرح أو حفلة أو السهرات، والأغاني بتاعتي بتبقى على السماعات كل يوم بالليل والناس سامعة صوتي.

- كان لازم أخلى الألبوم باسم الأغنية عشان دخلت في الأخر وماتصورتش في الدعاية فمش عايزها تتظلم.

- كان عندنا اختيار إننا نصور كليب زي ما عملت قبل كده، بس قلت عايز أعمل حاجة جديدة، وأنا في الأستوديو اكتشفت إن ممكن أصور الألبوم كله إعلان، كل أغنية 40 ثانية.

- أنا المنتج، والفريق اللي شغال معايا قالوا لي الإعلان هيكون مكلف جدا، لأنك هتصور يومين، والموضوع متعب جدا وتكاليفه عالية وممكن مترجعش تاني، لأن يوتيوب بيقلل الوصول للناس بعد 3 دقايق من الفيديو ويقلل الفلوس، ولقيت الموضوع داخل في حسابات ماليش علاقة بها ولكني تمسكت بالفكرة.

- اهتم منذ بدايتي كمطرب في 2006 بجودة الصورة في فيديوهاتي وأن تكون أغنيتي مختلفة كما اعتاده الجمهور.

- معنديش مشكلة أقعد سنة أعمل أغنية ولما بسافر بره باحس إني بمثل بلدي.

- احنا في زمن دلوقتي كل حاجة فيه بقت سريعة، وكان لازم نشتغل من خلال السوشيال ميديا واستخدام أفضل تقنيات الصوت العالمية في تنفيذ ألبوم معايا هتبدع.

- أحرص على الارتقاء بالأغنية، وأبذل مجهودات كبيرة في الأغاني التي أقدمها وأحاول أن أجتهد في عملي دائما".

- أغاني المهرجانات والراب موجودين من زمان ولكن كل 30 سنة بيحصل حاجات غريبة في المزيكا الناس تحبها لفترة وتنتهي.

- أغاني المهرجانات لا تهدف سوى للرقص ولاتترك ذكرى لدى الجمهور ولا يصح أن تكون رقم 1 في مصر.

- أنا ضد أن يتجه المطربين الكبار للغناء بطريقة المهرجانات فكل فنان كبير له اسم وتاريخ لا يليق أن يفعل ذلك.

- سأقدم 3 حفلات في مصر برأس السنة.

- أحب الاحتفال برأس السنة في مصر فهى أحلى بلد وجمهور وشعب.

- أتمنى شغلي الجديد يعجب الناس في السنة الجديدة وأتمنى الأوضاع الاقتصادية تتحسن.

يذكر أن رامي صبري طرح حتى الآن 4 أغاني من الألبوم الجديد وهي معايا هتبدّع، يمكن خير، لما بيوحشني وإحنا في حتة تانية.

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ