كشفت الفنانة ميار الببلاوي عن تفاصيل خلافها مع الفنانة نشوى مصطفى مشيرة إلى أنها كانت في وقت ما من أقرب صديقاتها في الوسط الفني.

وخلال لقائها مع برنامج "قعدة ستات" الذي تقدمه الإعلامية مروة صبري عبر قناة "القاهرة اليوم"، قالت ميار الببلاوي إن رحلتها في الفن بدأت مع نشوى مصطفى وكانت السبب في اعتزالها الفن وارتدائها الحجاب ولكنها أكملت طريقها في الوسط الفني.

كشفت الفنانة والإعلامية ميار الببلاوي عن خلافها مع الفنانة نشوى مصطفى، مشيرة إلى أنها كانت السبب وراء ارتدائها الحجاب ولكن الأخيرة أكملت مشوارها في الوسط الفني.

نرشح لك: توفيق عبد الحميد يهنئ لاعب الأهلي برونو سافيو بانتخاب لولا دي سيلفا رئيسا للبرازيل

وقالت الببلاوي: "بدأت مع الفنانة نشوى مصطفى مشوارنا الفني واشتغلت معاها كتير وكنت بعتبرها صاحبة عمري، لدرجة أنها كانت وراء قرار اتخاذي الحجاب، خلتني اتحجب وهى كملت في الوسط الفني".

تابعت: "خطيبي اللي هو وائل أبو ابني حاليا كان عايزني أسيب الوسط الفني وكل شوية يعملي مشاكل وحتى أنا كمان كنت بفكر أتحجب..فكلمت نشوى حكتلها ونصحتني وقتها بمنتهى الشفافية والأمانة إني اتجوز وأعمل بيت وقالتلي وإيه يعني احنا ناس لو اختفينا مش هيتحس بينا والموضوع أصلا مش بيستمر وكام سنة والجمهور مش هيعرفنا ولا هيتعامل معانا، اللي باقي البيت والعيال، حتى أنا روحت قعدت أفكر في كلامها وخدت قرار الجواز والحجاب، فأنا طول عمري بقدرها أنها نصحتني بحاجة زي كده".

وأضافت "بس لما حصل موقف بينا أنا جالي ذهول، متخيلتش أن الشخصية الخدومة واللي صاحبة صاحبها زي نشوى تعمل معايا كده، هى قلبت عليا والدنيا اتقلبت وابتدوا الاخوان واللجان الالكترونية يستلموا الموضوع، لما اتكلمت أيام الكورونا عن دينا الراقصة لما قالت أن احنا بنضحي بنفسنا عشان ننزل نصور ونسعدكم في رمضان".

وواصلت: "فأنا كان في دماغي وقتها لا أنتي متنزليش ومتعرضيش نفسك للخطر، رمضان هيجي سواء أنتي عملتي عمل درامي أو لا، لكن مش مشكلة لو رمضان جيه من غير مسلسلات، وهو شهر عبادة وطاعة مش مشكلة اتفرجنا على مسلسلات أو لا، "إيه الغلط في اللي أنا قولته ؟.

وخلال اللقاء، وجهت ميار الببلاوي عتابا للفنان أحمد رزق بسبب عدم مسامحته لها نظرا لمنشور شاركته في أعقاب خطوبة حنان مطاوع.

وقالت ميار الببلاوي " كنت منفصلة عن زوجي وحبيت اشارك منشور في أسقاط على حالتي، فكان في صورة لحنان مطاوع خطيبة أحمد رزق السابقة ومكتوب عليه "اتقل تاخد حاجة نضيفة" فعملت شير والصحافة كتبت إني أقصد أحمد رزق وزعل مني".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5