كشف المخرج عمرو سلامة عن رأيه في استعانة شركات الإنتاج العربية بالفنانين المصريين في أعمالهم.
وأوضح عمرو سلامة عبر حسابه على Facebook، أن بعض الدول العربية تحظى بامتيازات جيدة لتصوير الأعمال.
وقال: "في عدد كبير من الفنانين وطاقم العمل مش موجودين في مصر زي الأول علشان يا إما بيصوروا في السعودية لغزارة إنتاجها الآن، أو في لبنان لسهولة الإنتاج فيها".
وأضاف عمرو سلامة: "كان عندنا مشكلة كبيرة إن الأعمال العالمية بتتصور في دول كثير مجاورة زي الأردن والمغرب ودلوقتي كمان تونس وتركيا والسعودية، وصعب عليها تيجي مصر بسبب معوقات كثير وده بيضيع علينا عملة صعبة وفرص استثمار تساعد الاقتصاد".
وتابع: "دلوقتي كمان في إرهاصات هجرة للكوادر المحلية وكمان لعملية الإنتاج المصري نفسها، وده بيضعف صناعة مصر كانت رائدة فيها لميت سنة فاتت، وكانت مصدر دخل ورزق وقوة ناعمة، ومش بس بتضيع فرصة لتحسين الاقتصاد لأ كمان بنأثر عليه بالسلب".
وأكد عمرو سلامة: "برافو على كل الدول المجاورة لمحاولاتها لبناء صناعتها ولجذبها لفرص الاستثمار والعمل. وأتمنى يكون في أمل إن مصر تتدارك المشكلة وتحلها بسرعة من جذورها قبل فوات الأوان".
يذكر أن عمرو سلامة بدأ قبل أيام تصوير فيلمه الجديد "شماريخ" من تأليفه وإخراجه وبطولة آسر ياسين، أمينة خليل، خالد الصاوي، محمد ثروت، آدم الشرقاوي، مصطفى درويش، سالي حماد، والعديد من ضيوف الشرف، إنتاج شركة "سي سينما برودكشن" هاني نجيب وأحمد فهمي بالشراكة مع شركة عرب موشن.
اقرأ أيضا:
التحليل النفسي لريهام عبد الغفور: أنجلينا جولي قدوتي وخايفة أعمل بوتوكس بسبب شغلنتي
حنان مطاوع: الأم العاملة تعيش ممزقة بين الشغل والأولاد وحالتي كانت مختلفة
التعليق الأول لأحمد صيام بعد زواج ابنته "آخر العنقود"
#شرطة_الموضة: نوال الزغبي بـJumpsuit مزدحم التفاصيل في حفل انتصارات أكتوبر
لا يفوتك: تحليل النغمات مع عمك البات- تقييم أغنية "دلوقتي عجبناكم" لبهاء سلطان
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5