كشف الفنان رامي جمال عن سبب اعتزال زوجته المطربة ناريمان بعد زواجهما.
قال رامي جمال: "كان فيه اتفاق صريح بيننا من الأول، أنا قُلتلها من حقك تغني ده قرارك، بس أنا صعب جدًا بالنسبة ليا إن إحنا الاتنين نبقى مشهورين، مين هيخلي باله على اللي في البيت؟، قلت لها شوفي باب القبول في الأغاني اللي نزلتيها لو نجحت هيفضل فيه معزة بيننا بس مش هينفع نكمل، ولو اختارتي إنك تبقي في بيتي عرفيني، وهي اختارت وقالتلي أنا موافقة أبقى في البيت"، حسب تصريحاته في برنامج "سهرانين" الذي يقدمه النجم أمير كرارة عبر شاشة ON.
وأضاف: أنا دلوقتي شايف إني ممكن أعمل لها أغنية من وقت للتاني، من باب الهواية متتكتمش، لأن صعب جدا إن ربنا يكون مدينا هدية ومش عند ناس كتير وأنا أقول مش هتستخدمها، ودايمًا باخد رأيها في الألحان.
وكان جمهور رامي جمال وناريمان فوجئا منذ أيام بنشرها خبر طلاقهما، ولكن الأمر لم يدم لساعات، ومن بعده خرج الفنان الشهير في فيديو عبر حسابها قال فيه: "علاقتنا ربنا مبارك فيها والناس كلها زعلانة إننا زعلنا من بعض، بقول لناريمان وبقول لكم إنها حبيبتي وعادي نزعل وننفعل ودعواتكم؛ لأني لقيت إن أبغض الحلال عند الله الطلاق وأنا مبحبش أعمل حاجة بغيضة".
وكانت ناريمان قد أعلنت اعتزالها الغناء عقب زواجها من رامي جمال، من أجل التفرغ للحياة الأسرية في عام 2014 الذي شهد دخولهما قفص الزوجية بعد قصة حب استمرت عدة سنوات.
ناريمان لم تتعاون مع رامي جمال سوى في ديو غنائي بعنوان "مش ملاحظ حاجة"، والذي طرح ضمن ألبومه "أنا لوحدي" عام 2020.
اقرأ أيضا:
محمود المهدي: تصريحات منة عرفة سبب طلاقنا .. دمرت حياتي وصعب أرجع لها تاني
#شرطة_الموضة: نانسي عجرم بإطلالة بسيطة في حفلها بقطر.. سعرها تجاوز 40 ألف جنيه
سالي عبد السلام تعلن خطبتها: هتعرفوا هو مين وبيشتغل ايه قريب
لا يفوتك: اعرف رأي #شرطة_الموضة في فساتين وإطلالات النجمات في حفل توزيع جوائز مهرجان القاهرة للدراما الأول
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5