عبر الإعلامي عمرو أديب عن استيائه من الشائعات التي تطارد النجم عادل إمام وآخرها إصابته بالزهايمر.
وقال عمرو أديب خلال لقائه مع et بالعربي على هامش حضوره احتفالية افتتاح المقر الرئيسي لمجموعة MBC في الرياض: أحنا ليه مش عاوزين الناس تبقى في سلام، دا عادل إمام دا الزعيم عايزين منه إيه، دي مش محبه واطمئنان دا فضول قاتل وأغلب الهاشتاجات تشفي، التيارات الدينية اللي بتكره عادل إمام تشفت فيه وما صدقوا على الخبر ده والناس اللي قالت عليه الكلام دا رجعت قالت لا إحنا بنحبه ومنقصدش.
وتابع: أنتوا عايزين منه إيه الراجل اللي أسعدكم مستكترين عليه أنه يبقى سعيد وهادي في حياته توحش الناس بقت متوحشة سيبوا الناس في سلام.
نرشح لك: "وعد إبليس" .. عندما تقع في غرام "الشيطان" فتحي عبد الوهاب
وأكمل: خليه في حاله سعيد ومبسوط في الصورة دي، لما جت ليلى مراد قررت مش هتغني تاني قالت مش عايزة اتصور مش عاوزة حد يشوفني عايزة الصورة دي تفضل، دا بني آدم ليه عيله وأخوات وحياة دا ميستحقش منكم هذا التكريم والاحترام لحياته ارحموا الناس بلاش جنان.
وكان المنتج عصام إمام طمأن الجمهور على صحة شقيقه الفنان عادل إمام.
وعبر عصام إمام عن غضبه وحزنه من كثرة الشائعات التي تنتشر كل فترة على شقيقه الزعيم عادل إمام وقال في مداخلة هاتفية مع الإعلامي عمرو أديب في برنامجه "الحكاية": أنا مش عارف الناس دي مستعجلة على إيه، إيه سبب أن يتقال كده، دا عادل إمام لو فيه حاجة ولو في مستشفى العالم كله هيعرف.
وتابع: ليه أستاذ محمد الباز ودا راجل إعلامي كبير ممكن يتحرى من الخبر، لو في حاجة الكل هيعرف، أنا جالي مكالمات من أمريكا وأستراليا من ناس أنا معرفهمش بيسألوا، أنا برد على حاجة تخص الأسرة ولما يقولوا أن عادل إمام تعبان وفي مستشفى لازم أرد لكن أنا زهقت.
وكان الإعلامي محمد الباز قال في برنامجه "آخر النهار": الأستاذ عادل إمام في مرحلة سنية وصحية لن يقدم أي عمل فني قادم على الإطلاق، وعيلته لابد أن تحترم هذا، وعندما يقال أنه اعتزل العمل الفني، هذا أمر لن ينقص منه شيء، ومن حق جمهور عادل إمام أن هيعرف حالته الصحية، ومن مقربين راحوا لعادل إمام وبحكم السن هو يعاني من بعض أعراض الزهايمر وهذا طبيعي.
وكان المنتج عصام إمام سبق وتحدث عن عودة الفنان عادل إمام في فيلم "الواد وأبوه" الذي سيجمعه بابنه محمد وسيكون من إخراج ابنه رامي.
يذكر أن عادل إمام غاب عن رمضان 2022، وكان آخر أعماله في رمضان 2020 ومسلسل "فلانتينو" وشاركه بطولته داليا البحيرى ودلال عبد العزيز وحمدى الميرغنى وطارق الإبيارى وهدى المفتى، وهو من تأليف أيمن بهجت قمر وإخراج رامى إمام.
اقرأ أيضا:
من الوسط الفني.. نور إيهاب تتكتم على شخصية خطيبها
محمد فراج: خناقتي مع باسم سمرة "متفبركة"
نورهان: لا أعارض وجود مشاهد جريئة طالما بعيدة عني وفلوس الفن حلال وحرام
وفاء عامر عن مشهدها الجريء مع محمد رمضان في "نسر الصعيد": ضد مبادئي ولا أعرف كيف تم تسريبه
لا يفوتك: أسرار من حياة "الكونت" عبد السلام النابلسي "دوق أوف روشا"
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5