تامر حسني يحذر جمهوره: محدش يعمل مقابلات في أي مكتب تمثيل يحمل اسمي

محمد أحمد

محمد أحمد تاريخ النشر: الأحد، 18 سبتمبر، 2022 | آخر تحديث: الأحد، 18 سبتمبر، 2022

تامر حسني

حذر الفنان تامر حسني، جمهوره من عدم إجراء أي مقابلات شخصية في أي مكتب تحمل اسمه.

وكتب تامر حسني، عبر حسابه بموقع التواصل الاجتماعي Facebook: "بالنسبة للمواهب اللي طلبتها محدش يروح يعمل أي مقابلات في أي مكتب بإسمي، أنا طلبت فيديوهات فقط والفيديوهات بتجيلي كل يوم، محدش يروح أي مشوار لأي مكتب تحت اسمي لأن اللي هيتم اختيارهم للمقابلة هتكلمهم مخرجة الفيلم أستاذة سارة وفيق بشكل مباشر".

نرشح لك - شريف حلمي يحكي عن لقائه بعادل إمام قبل يومين … جلسة في الجيم بحضور والد روبي

وتابع تامر حسني: "أي مكتب عايز يرشح حد بيبعتلي فيديو بيعرض موهبته، يعني محدش يصدق أي حد يقوله تعالى عشان هتقابل تامر أو المخرجة تاني.. الأستاذة سارة هتكلم اللي اختارتهم بنفسها عشان يحضروا المقابلة الأولى".

وكان تامر حسني قد أعلن مؤخرا أنه يبحث عن أطفال موهوبين يستطيعون الغناء والتمثيل ونشر صورة له عبر حسابه على Instagram وكتب معلنا عن بحثه عن الأطفال في عمر 9 إلى 13 عاما.

وقال: لكل الجهات المعنية والأسر اللي مربية مواهب حلوة مهلبية، بدور على اطفال يمثلوا ويغنوا من سن 9 لـ 13 سنة ولاد وبنات موهوبين جدا، في أسرع وقت، وياريت لو طفل كده تامرحسني في نفسه يعني يغني ويمثل.

في سياق متصل، يستعد تامر حسني، لإحياء حفل تخرج دفعة طلاب الثانوية العامة 2022، السبت 24 سبتمبر، في أحد الفنادق الكبرى بمدينة الإسكندرية.

طالع أيضا - هاني شاكر يهاجم مذيعة قناة "الشمس": تعدت حدودها

ويعرض لتامر حسني حاليا في السينما فيلم "بحبك" بمشاركة هنا الزاهد، هدى المفتي، مدحت إسماعيل، حمدي الميرغني، شهد الشاطر، والفيلم من إنتاج حسام حسني، وتأليف وإخراج تامر حسني، في أولى تجاربه الإخراجية.