انتقدت الفنانة إنجي وجدان التعليقات السلبية المتكررة حول زيادة وزن الفنانة شيرين عبد الوهاب في الفترة الأخيرة.
ونشرت إنجي وجدان عبر حسابها في إنستجرام مقطع فيديو قالت فيه: "بقالي كام يوم متابعة الكلام اللي بيتكتب ويتقال على شيرين عبد الوهاب، من فضلكم موضوع التنمر بقى كتير أوي وجارح".
وأضافت: "شيرين شخصية قوية جدا، لكن طبيعي بعد الظروف اللي مرت بيها لازم يبقى في مشاكل، وهي مرت بحاجات مش سهلة 90% من الستات في مصر بيمروا بحاجات شبهها".
وتابعت: "أنا مش محامية الناس التخان أو اللي بيخسوا، لكن الستات طول الوقت تحت ضغط مرعب، لازم تبقى واخدة بالها من شكلها وشعرها ومكياجها ولبسها، وتاخد بالها من عيالها وجوزها عشان مايخونهاش أو يتجوز واحدة تانية، والموضوع بقى مرهق ذهنيا وجسمانيا".
طالع أيضا - تعليق جديد على أزمة صوره مع زوجة السفير.. راغب علامة يوجه رسالة للعراقيين ويستشهد بآية قرأنية
وواصلت: "مين قال الستات مش من حقها تتخن أو تخس أو تتطلق أو تكتئب؟"
ووجهت إنجي وجدان رسالة لشيرين قالت فيها: "إنت بتعملي حاجة ناس كتير مش قادرة تعملها ومنهم أنا. أنا عندي اكتئاب وواخدة وقتي عشان أرجع وأقوم نفسي، وطز في أي حد مش عاجبه شكلك".
يذكر أن إنجي وجدان تغيب عن جمهورها منذ فترة طويلة وكان آخر أعمالها مشاركتها في مسرحية "كوكو شانيل" مع شريهان.
ومسرحية "كوكو شانيل" عرضت عبر منصة "شاهد"، وهي من تأليف وأشعار مدحت العدل، إخراج هادي الباجوري، ويشارك مع شريهان في بطولتها هاني عادل، وأيمن القيسوني، وتامر حبيب، وحنان يوسف، وإنجي وجدان، وعماد إسماعيل، وسمر مرسي، وسليم سليمان، وهاني إبراهيم، أزياء ريم العدل، وإنتاج جمال العدل.
اقرأ أيضا:
حمادة هلال لـ شيرين عبد الوهاب: أختي الغالية وصديقه الكفاح
خاص جمال العدل: حريق شبرامنت دمر مخازن "العدل جروب".. وأحمد الله على عدم وجود خسائر بشرية
#شرطة_الموضة: مجوهرات رقيقة لجينيفر لوبيز في حفل زفافها.. سعرها تجاوز 3 ملايين دولار
سمية الخشاب: مستعدة أحل مشاكل أوكرانيا وروسيا
لايفوتك: محمد علاء يكشف لـ Filfan.com سر اختفائه عن «السوشيال ميديا»
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5