أعلن النجم تامر حسني عن طريقة جديدة للتواصل مع جمهوره عبر مواقع التواصل الاجتماعي.
ونشر تامر حسني عبر حسابه في إنستجرام صورة له حملت رسالة إلى جمهوره قال فيها: "إحنا في زمن لو احتجت فيه إيد تدفيك، ابقى أمسك إيدك التانية، إحنا في زمن يلا نفسي، عشان كده معندناش حل غير إن كل واحد فينا ينجح".
نرشح لك - بـ"التوب" الأزرق .. هيفاء وهبي تستعرض إحدى إطلالاتها في كليب "تيجي" (صور)
وأضاف موضحا الهدف من الطريقة الجديدة لتواصله مع متابعيه: "ان شاء الله كل كام يوم هاجي على بالليل كدا نتناقش في موضوع من خلال مشواري و تجربتي في الحياه ، جايز تستفيدوا منه حاجه و جايز يكون في كتير منكوا هيكون كلامي بمثابة اشاره تشجعهم كانوا مستنيينها".
"من خلال خبرتي النجاح بيقوي و يجعل كل من حولك يهتم بك و العكس صحيح و اعني بالنجاح النجاح الانساني في علاقاتك بربنا و الناس .. النجاح المهني و تحقيق ذاتك و طموحك و تحديك لكل الصعاب و تخطيك لكل محنة زي ما عملوا كتير قبلك و ظروفهم كانت اصعب منك و وصلوا لاكبر من احلامهم".
طالع أيضا - إليسا تداعب جمهورها في حفلها بإسطنبول: "حافظين الأغاني أكتر مني" (فيديو وصور)
وتابع: "امانه عليكم محدش يكتبلي عاش و هو دا و تقبر قلبي، انا عايز افتح باب نقاش حقيقي يخليكوا تاخدوا قرارات مهمه في حياتكم او تتشجعوا و تتحمسوا لخطوات ايجابيه. اتكلموا و قولوا اللي جواكم، تفريغ احاسيسكم هنا و اي اسأله جواكم او اي مواقف او حكايات لما تتقال هنا هتبقى اول خطوه للصح، عشان هتتولّد طاقه كبيره للخير شاهد عليها ربنا ف هتكون خير اوي لينا ان شاء الله".
وأحيا تامر حسني مؤخرا حفلًا غنائيًا ضمن فاعليات مهرجان جرش بالأردن، ونشر مجموعة من الصور التي تكشف عن حجم الجمهور المتواجد بالحفل وتفاعله معه.
وطرح تامر حسني خلال الأيام الماضية ألبومه الجديد الذي يحمل اسم "عشأنجي" عبر موقع الفيديوهات الشهير يوتيوب"، ويضم 9 أغنيات من إنتاج شركة روتانا.
يذكر أن تامر حسني عرض له مؤخرا فيلم "بحبك" من تأليفه وإخراجه وبطولته إلى جانب هنا الزاهد، هدى المفتي، حمدي المرغني ومدحت إسماعيل.
اقرأ أيضا:
بشرى تدعم روبي في حفل العلمين الجديدة: دمها خفيف و"نغشة" وبرج الميزان زيي
تفاصيل افتتاح مهرجان القلعة غدا.. 4 آلاف مقعد للجمهور ومدحت صالح نجم الحفل وتكريم هؤلاء
بعد انفصال كيم كارداشيان عن بيت ديفيدسون.. كانيي ويست يواعد موديل OnlyFans
وصلة رقص بين أنغام وداليا البحيري في الساحل (فيديو)
لا يفوتك: تحليل أغنية "عارفة قيمتي" .. أنغام تعاون لأول مرة مع عمرو مصطفى وده مالهوش غير معنى واحد
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5