ما علاقة نيكول كيدمان؟ ميسرة تتحدث عن معاناتها مع عمليات التجميل الفاشلة

محمد سلطان محمود

محمد سلطان محمود تاريخ النشر: الجمعة، 29 يوليو، 2022 | آخر تحديث: الجمعة، 29 يوليو، 2022

ميسرة

تحدثت الفنانة ميسرة عن معاناتها مع عمليات التجميل الفاشلة.

وأوضحت ميسرة في حوار مع الإعلامية ياسمين عز ببرنامج "كلام الناس" عبر قناة MBC مصر، أن القصة بدأت بالصدفة بعد انتهائها من تصوير دورها في مسلسل "عباس الأبيض".

وقالت إنها فقدت وقتها جزءً من وزنها، وشعرت أن وجهها نحيف، فأجرت عملية حقن دهون فاشلة، وأوضحت: "حصل تلوث وكان لازم يخرج بره الجسم، ودي أول حادثة".

نرشح لك- ميسرة عن مشهدها الشهير مع عادل إمام: كنت في السرير لوحدي

وأضافت ميسرة: "الحادثة التانية، عملت مناخيري مع دكتور شاطر جدا، كان غاوي نيكول كيدمان، فكان عامل لي الرفعة الرومانية، ودي بتبان أوي من الجانب، فكنت داخلة عشان أشيلها بعد 10 سنين".

وتابعت: "رحت لنفس الدكتور ومكنش فاضي ورحت لدكتور تاني، قلت دي حاجة تافهة، والمفروض عنده شهادات تخرج كبيرة من باريس، رحت له فدمر المناخير".

نيكول كيدمان‎

وأكملت ميسرة استعراض رحلتها مع عمليات التجميل، قائلة: "سافرت فرنسا، وكان الدكتور عايز يشوفني بعد شهرين، بس ظروفي المادية كانت لا تسمح إني أرجع تاني، فكلمت الملحق الطبي في فرنسا، فرشح لي دكتور عالمي هنا، الناس بتيجي له من أوروبا".

وواصلت: "رحت كملت اللي دكتور فرنسا كان عايزه يعمله، لأن من كتر الضرر كان لازم يعملها على مرحلتين، وعملتها وخلاص".

وأكدت ميسرة أنها لم تجري أي عمليات تجميل بهدف أن تحسن من شكلها، وقالت: "مكنتش عايزة أحسن، لأ".

وأشارت ميسرة إلى أنها هي من أعلنت إجرائها لعمليات التجميل موضحة: "محدش كان ممكن يعرف لولا إني رفعت قضايا، مش عشاني، عشان محدش تاني يتضر".

وطالبت أن يخبر أطباء التجميل مرضاهم بعدم خبرتهم في تجميل بعض المناطق، موضحة: "هتلاقي في التخصصات، ده دكتور أنف، ده دكتور عيون، يعني الدكتور اللي رحت له يصلح مناخيري، تخصص مناخير بس".

وأشادت بخبرة الطبيب الذي شوه أنفها قائلة: "باباه كان أكبر دكتور وهو شهاداته مالية الدنيا، ممكن يكون مش شاطر في الأنف، بس هو خطأه كان خطأ فادح"، مؤكدة أنها لم تتابع ما جرى في القضية.