ميسرة: ممكن أتجوز رجل متجوز لو في حاجة ناقصاه من مراته

محمد سلطان محمود

محمد سلطان محمود تاريخ النشر: الجمعة، 29 يوليو، 2022 | آخر تحديث: الجمعة، 29 يوليو، 2022

ميسرة

كشفت الفنانة ميسرة عن عدم ممانعتها الزواج من رجل متزوج.

وأوضحت ميسرة في برنامج "كلام الناس" من تقديم ياسمين عز، أنها لا تمانع أن تكون زوجة ثانية، أو أن يتزوج زوجها بأخرى.

وأضافت: " أتجوز رجل متجوز لو في حاجة ناقصاه من مراته، شأنا أم أبينا الرجالة عندهم التعددية، والرجل أول ما يبقى معاه فلوس لازم يتجوز، هو ربنا خلقه كده".

نرشح لك- "حتى الملابس الداخلية شالتهم".. طليقة فائق حسن تتهم أصالة بالتعدي على منزلها

وتابعت ميسرة: "الرجل بيبقى قادر في حاجات كتيرة لحد سن متقدمة عن الست، فلو الست مقصره معاه في حاجات معينة، هو محتاج واحدة تانية ومش عايز يغضب ربنا فيتجوز، بس لو الست عاملة له كل حاجة وهو طفس لها حق أنها ترفض أو تقبل".

وأكدت أن لديها صديقات يقبلن بخيانة الزوج بدلا من زواجه بأخرى موضحة: "أعرف ستات كتير تقول جوزي يصاحب ومايتجوزش عليا، ما هو لو صاحب أنتي بتشيليه ذنب، إيه لازمتها؟ أنا لو متجوزة وحاسة إني مقصرة مع جوزي في حاجات مش قادرة أديهاله وهو بيدور عليها وهيتجوز عشانها، يتجوز، ما أنا لازم أبقى عادلة مع نفسي ومع غيري".

وأشارت ميسرة إلى أن ذلك يرجع لتصالح الإنسان مع نفسه، وحرص المرأة على استقرار منزلها، ومدى حبها لزوجها، مؤكدة أنها لن تقبل التعدد لو كانت لا تقصر في واجباتها تجاهه.

وقالت عن تعاملها مع الزوجة الثانية: " هبقى كويسة معاها، لأن أنا مقصرة، أقدر أتحمل ده، بالعكس هتبقى صاحبتي عادي، لكن لو أنا مش مقصرة لا هي صاحبتي ولا هو صاحبي، خلاص الدنيا انتهت كده".