انتقد الفنان محمد رحيم تصريحات الإعلامي نشأت الديهي التي تناولت سيرته عقب إهداءه شبل صغير للفنانة كارول سماحة بمناسبة عيد ميلادها.
ونشر محمد رحيم فيديو عبر حسابه الشخصي على Facebook، تحدث فيه عن كواليس هديته لكارول سماحة، مؤكدا أن نشأت الديهي أخطا بانتقاده، خاصة حين ذكر اسمه بشكل غير صحيح.
وأوضح: "أنا رجل بلحن بقالي 25 سنة لكل نجوم مصر والوطن العربي، فالمفروض حضرتك على الأقل تبقى عارف اسمي، وتنطقه صح لأن ده من دواعي شغلك".
نرشح لك- تامر عاشور: أغنيتي مع شيرين حزينة جدا.. ربنا ما يقطع لنا عادة
وعبر رحيم عن دهشته من تصريحات نشأت الديهي التي تحدث فيها عن عدم قانونية هديته لكارول سماحة قائلا: "قبل ما حضرتك تطلع معلومات غلط زي دي، هو حضرتك ماتعرفش أنا زوجتي مين؟".
وتحدث محمد رحيم عن زوجته مدربة الأسود أنوسة كوتة، وعائلتها الشهيرة في عالم ترويض الأسود، كونها حفيدة مدربة الأسود الراحلة محاسن الحلو، وابنة مدرب الأسود مدحت كوتة، وتمتلك خبرة في التعامل مع شبل الأسد.
وكشف كواليس فيديو ظهور كارول سماحة مع الشبل، قائلا: "إمبارح كان عيد ميلادها، وهي برج الأسد وأنا برج الأسد، فقلنا ناخد صورة لطيفة وفيديو ننزله يوم عيد الميلاد، والتي بتصورنا أنوسة زوجتي المدربة العالمية الكبيرة، وخلصت تصوير وراحت السيرك لأن عندها عروض".
وقال محمد رحيم إنه كان يتمنى أن يهتم فريق إعداد برنامج "بالورقة والقلم" الذي يقدمه نشأت الديهي، بالاتصال به لاستيضاح الأمر واستضافته في مداخلة هاتفية، كما حدث مع مدير حديقة الحيوان بالجيزة.
وتابع رحيم: "الدكتور رئيس جنينة الحيوانات ممكن مايكونش يعرف أن أنوسة مراتي، وأول ما يعرف هو نفسه هيرد عليك، ودي معلومة عند الصحفيين وعند كل الناس في الدنيا يا أستاذ نشأت، ورجاء من أخ لحضرتك بدل ما نطرح معلومات بالشكل الخطأ ده والناس تتشتت مننا".
وشدد محمد رحيم على احترامه للقانون قائلا: "أي حد يعمل أي حاجة تخترق القانون لا سمح الله لازم يتحقق معاه، ولو يستاهل العقاب يتعاقب، دي حاجة مش محتاجين نختلف عليها، لكن حضرتك بتتكلم عن مبدأ مختلف تماما، ده شبل صغير محتاج رعاية ودي مدربته المحترفة العالمية، فبتجيبه معاها جوا عشان خاطر الحاجات الطبية بتاعته".
واختتم تصريحاته مؤكدا على طلبه لنشأت الديهي بتحري المعلومات عنه حتى لا يوصل صورة سيئة عنه للجمهور، ويعتقد البعض أنه يخالف القانون.
وعاد محمد رحيم ليطلب من نشأت الديهي تصحيح طريقة نطق اسمه، موضحا: "هقول تاني عشان أنا رجل بقالي 25 سنة بشتغل والمفروض تبقى عارف اسمي، كل النجوم اللي حضرتك بتسمعهم في الوطن العربي، 90% من ألحاني".
وواصل: "أنا مصنف من أشهر وأهم 10 ملحنين في العالم، ومعايا شهادة احتراف دولية من باريس واسمي مكتوب في شركة آبل كأحد المبدعين المصريين والحمدلله حصلت على جوايز عالمية كبيرة في مجال شغلي يا أستاذ نشأت، فلو سمحت أعرف اسمي عشان حضرتك رجل إعلامي".
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5