تامر حسني يكشف سبب تأليفه وإخراجه "بحبك": الناس محتاجة نفتح ملفات الحب

محمد سليم

محمد سليم تاريخ النشر: الاثنين، 18 يوليو، 2022 | آخر تحديث:

تامر حسني

كشف النجم تامر حسني سبب قيامه بإخراج وتأليف فيلمه الجديد "بحبك"، بالإضافة إلى تأليف الموسيقى التصويرية الخاصة بالفيلم.

وقال تامر حسني خلال مداخلة مع المذيعة لينا الطهطاوي في برنامج "كلاكيت" المذاع عبر نجوم إف إم : "في أسباب كتير للإيرادات اللي حققها الفيلم، ربنا بيكرم على قد المجهود وإحنا كلنا تعبنا".

نرشح لك - رسميا .. زواج جينيفر لوبيز وبين أفليك بعد 20 عاما على خطبتهما الأولى

لقطة من فيلم بحبك

وأضاف : "في مشاعر محدش بقى يتكلم فيها، وأنا قيستها مع المنتجين على الأغاني وهما بيقولولي لأ، وسألتهم هل لما عملت ناسيني ليه، وكفاياك أعذار محدش سمعها، وقررت أتعامل مع الفيلم على إنه كليب كبير".

لقطة من فيلم بحبك

وتابع : "دي وجهة نظري وعشان كده كنت المؤلف والمخرج وعملت الموسيقى التصويرية، وحاسس إن الفيلم ابني من كل الاتجاهات، وهي تجربة الله أعلم هكررها ولا لأ".

طالع أيضا - تامر حسني يتحدى أبطال "بحبك" في كلمات "عشأنجي" من ألبومه الجديد

وواصل : "الفيلم فيه مشاعر لازم توصل للناس، وملفات الحب والعواطف بين الراجل والست، والشاب والبنت لازم تتفتح، الناس محتاجة المشاعر والحنية، وتحس إن في ناس شبههم بيمثلوا، وأخيرا إحنا كشباب شايفين نفسنا في الفيلم، وممكن حد كبير لكن عدى بموقف مشابه أو واحد صاحبه، عشان كده لمس الناس، وصحيت النهاردة على خبر سعيد إنهم مدوا عرض الفيلم أسبوع في أمريكا وكندا".

لقطة من فيلم بحبك

ويتواصل عرض فيلم "بحبك" في دور العرض السينمائية، وهو أولى تجارب تامر حسني الإخراجية في السينما والفيلم أيضا من تأليفه، ويشاركه البطولة كل من هنا الزاهد، وحمدي المرغني، ومدحت تيخا، وهدى المفتي، وعمرو صحصاح، وتميم عبده، وسمر محمد متولي.