"كان مغامر أكتر من منافسه الأشهر" عمر طاهر يتحدث عن مشوار محمد فؤاد

محمد سلطان محمود

محمد سلطان محمود تاريخ النشر: الثلاثاء، 12 يوليو، 2022 | آخر تحديث: الثلاثاء، 12 يوليو، 2022

محمد فؤاد

تحدث الكاتب عمر طاهر عن وصول الفنان محمد فؤاد إلى سن الـ60، وضرورة أن ينصفه نقاد الموسيقى، بتقييم تجربته الموسيقية كاملة.

وكتب عمر طاهر عبر Facebook، ليتحدث عن مشوار محمد فؤاد، وتأثيره في صناعة الموسيقى بمصر والوطن العربي.

وقال: "بمناسبة وصول محمد فؤاد لسن ٦٠، أعتقد دي مناسبة لزملائنا نقاد المزيكا الشاطرين إنهم ينصفوا تجربة فؤاد و هي فعلا متعبية كلام وأفكار".

نرشح لك- دينا الشربيني عن اتهامها بالارتباط برجل متزوج: مش علي راسي بطحة ولا لازم أدافع عن نفسي

محمد فؤاد

وأوضح عمر طاهر: " سيب آخر كام عمل و هاته من الأول، هتلاقيه في منطقته كان مغامر ومجدد وجرىء أكتر من منافسه الأشهر، هو أول اللي اشتغلوا مع عصام عبدالله، ياسر عبد الرحمن، فهد، مدحت الخولي، احمد منيب ومودي الإمام".

وأضاف: "هو اللي قدم وليد سعد، محمد رحيم، مصطفى عوض، عزيز الشافعي وتامر عاشور. الوحيد في جيله اللي كانت انطلاقة نجاحه من غير حميد الشاعري، اشتغل معاه بعدين".

وتابع عمر طاهر: "الوحيد في جيله اللي خاض تجربة جريئة؛ ألبوم كامل مع احمد الحجار. إزاي صوته وهو بيقول يا ليل بقى فاصل إذاعة الاغاني المصرية، هو و ماحدش غيره من جيله".

وأكد: "مواضيع أغانيه ماوقفتش في حتة واحدة، فيلمين مع مخرج كبير زي خيري بشارة و فيلم غير خريطة السينما مع هنيدي، طلع من الفلكلور غنا و قدم تترات بقت تفصيلة في أسماع الناس. طبيعة نظرة الناس ليه و شكل الحتة اللي سكنوه فيها".

محمد فؤاد

وأشار عمر طاهر إلى ثراء تجربة محمد فؤاد الغنائية قائلا: "تجربة مليانة كلام وكتابة وحاجات يتقدر تعبه فيها وحاجات فكت منه طبعا زي أي حد. بس إجمالا تجربة تستحق التقدير و تستحق أنها تتحط في مكانها بالضبط وإن حد ينتشلها من منطقة اللطافة والقلش، وكام عمل مش قد كده مايلغوش اللي الراجل أنجزه بالفعل. كل سنة و انت طيب يا فؤش".

عمر طاهر يتحدث عن محمد فؤاد

والجدير بالذكر أن محمد فؤاد من مواليد 20 ديسمبر 1961، وبدأ مسيرته الفنية كمطرب ثم ممثل، ليقدم 21 ألبوما غنائيا و8 أعمال للسينما ومسلسل واحد للتليفزيون.

محمد فؤاد