سمية الخشاب توجه نصائح لطلبة الصيدلة.. وهذه وعودها لو أصبحت وزيرة للتعليم

محمد سلطان محمود

محمد سلطان محمود تاريخ النشر: الخميس، 9 يونيو، 2022 | آخر تحديث: الخميس، 9 يونيو، 2022

سمية الخشاب

وجهت الفنانة سمية الخشاب نصائح إلى طلبة الثانوية العامة وكليات الهندسة والحقوق والصيدلة بالجامعات، بمناسبة اقتراب امتحانات نهاية العام الدراسي.

وكتبت سمية سلسلة طويلة من التغريدات عبر Twitter، حملت الكثير من النصائح للطلبة، خاصة الذين يدرسوا الصيدلة.

نرشح لك- كيف تستقبل ترددات القمر الصناعي الجديد الذي أطلقته مصر؟

بدأت سمية الخشاب حديثها عن التعليم قائلة: " أنا لو مسكت التعليم هلغي لكم الفاينلز دي وهخلي النجاح كله بأعمال السنة عشان عايزاكم فريش كده مش stressed".

وتحدثت إلى طلبة الثانوية العامة وقالت: " حبايبي اللي في ثانوية عامة، محدش يجي علي نفسه خالص صحتكم بالدنيا ومش نهاية العالم ومتخلوش اي حد يأثر بالسلب عليكم".

نصائح سمية الخشاب

وأضافت سمية الخشاب: " تقدروا تثبتوا نفسكوا في أي مجال أو كلية مش شرط المسمى القديم بتاع كليات القمة ده، مفيش قمة، اللي هيشتغل ويحب اللي بيعمله هيبقي في القمة".

وتابعت: " اعملوا بس اللي عليكم وبلاش مقارنات خالص كل إنسان له مجاله اللي هيقدر يبدع فيه، بلاش كلنا نتارجت حاجة معندناش شغف ليها، وبالتالي نعيش تعبانين باقي حياتنا".

نصائح سمية الخشاب

كما تحدثت إلى طلبة كليات الحقوق قائلة: " حبايبي بقي اللي في حقوق، القانون المدني والقانون الدولي دول احفظوهم كويس عشان بيلخبطوا، تاريخ القانون المصري مش صعب أوي هو وسكاشن مدني هتعرفوا تسلكوا فيهم وبدعيلكم".
وتطرقت سمية الخشاب إلى طلبة كليات الصيدلة، وأظهرت غزارة في معرفة المواد والمصطلحات الطبية، رغم أنها تخرجت من كلية التجارة بجامعة الإسكندرية.

وقالت لطلبة الصيدلة: " خافوا من الكارما وأعملولها الف حساب، أو خافوا من الفارما الاتنين نفس الحاجة، ركزوا علي الدراج انتراكشن عشان معقرب جدا".

وأكملت سمية الخشاب نصائحها العلمية: " حبايبي بتوع صيدلة احفظوا الكلام بحاجات مشابهة يعني مثلا تحليل ELISA ده افتكروا ملكة الإحساس، والـ CBC مثلا ممكن سفرة وممكن العادية، ال DHEA افتكروا سكينة وهي بتقول روح جاتك داهية".

وأرسل لها أحد المتابعين صورة لأحد المواد التي يدرسها، طالبا مساعدتها في الشرح، وهو ما فعلته مع تبسيط للمعلومات وربطها بأشياء أخرى.

ولم تكشف سمية الخشاب عن مصدر معلوماتها في علم الصيدلة، واكتفت برد ساخر عن كونها فنانة شاملة، وأدى تفاعل طلبة الصيدلة معها، لتمازحهم بنشر صورتها وهي ترتدي البالطو الأبيض من أحد أعمالها السابقة.

نصائح سمية الخشاب

وتوجهت سمية الخشاب بالحديث إلى طلبة كليات الهندسة، وقالت: " وبالنسبة لحبايبي اللي في هندسه أنا مش ملمه بهندسة أوي بس، ذاكروا ماشيينز كويس عشان عارفة أنها اصعب من كلمة بشمهندس".

وكشفت ضمن تغريداتها عن السبب الذي يدفعها لتقديم تلك النصائح والتفاعل مع أسئلة المتابعين، موضحة: " بحبكم أوي أنتوا المستقبل وواثقة فيكم لأنكم جيل واعي وفخورة بيكم في كل الحالات، وهفرحلكم أيا كان النتيجة ايه، شدوا حيلكم".

نصائح سمية الخشاب

يذكر أن سمية الخشاب اعتادت في الفترة الماضية الدخول في نقاشات مثيرة للجدل مع متابعيها عبر Twitter، من بينها نصحيتها للفتيات بضرورة الرقص طوال الوقت، إلى جانب نشرها تعليقات وصور تحمل معاني مزدوجة أو غير واضحة، وهو ما جعلها تتصدر مواقع التواصل الاجتماعي خلال الأشهر الماضية، رغم عدم مشاركتها في أي أعمال فنية في الفترة الحالية.

نصائح سمية الخشاب