علق الإعلامي عمرو أديب، على واقعة عروس الإسماعيلية التي تعرضت للضرب في الشارع من أسرة عريسها يوم زفافها.

وقال أديب: "اللي حصل يقولكم أن المجتمع دا خلاص مبقاش يقبل بكدا، والناس إنسانيا وأخلاقيا ودينيا مش طايقين أن موضوع العنف ضد المرأة يحصل تاني، وهو أمر مرفوض"، حسب تصريحاته في برنامجه "الحكاية".

وأضاف أديب: فيه ناس ترفع الضغط ويقولولك دا واحد ومراته انتوا مالكم؟ يعني إيه؟ يعني لو ماشي فى الشارع ولقيت راجل بيضرب ست والاقي زوجها بيضربها أسيبه؟ مش هو وجاريته ومش هو وعبدته؟ دا هو وإنسانة".

وتابع: لو أنت ماشي ولقيت طفل أو مرأة بتضرب أقف وتصدي له، هل من الجنون أني لسة بقول مينفعش حد يضرب حد، هل لسة هنناقش دا".

واستكمل: بدأ يكون هناك وعي وهو ان محدش يضرب حد، وعروسة الإسماعيلية مش واحدة هي كل النساء فى مصر، وبشكر الصحفية اللي صورته لولاها ماكنش حد شاف ولاعرف اللي حصل".

يذكر أن رواد مواقع التواصل تداولوا خلال الساعات الماضية مقطع فيديو لعريس يعتدي على عروسه في محافظة الاسماعيلية.

وخلال مقطع الفيديو تظهر العروس وسط أسرتيهما والأقارب في حالة تشبه الإغماء، بينما حاول المتواجدون في محيط الحدث إفاقتها، وبعد شد وجذب انسحبت العروس من المشهد مرددة "حسبي الله ونعم الوكيل".

وعلق العريس على الفيديو المنتشر قائلا أن ضربه لزوجته وهي أيضا ابنة عمه أمر عادي عندهم.

اقرأ ايضًا:

كريم الحسيني يبيع المشروبات الساخنة على عربة: الشغل مش عيب (فيديو)

ياسمين عز عن عروس الاسماعيلية: "أصيلة" وضرب الحبيب زي أكل الزبيب

بعد دفاعها عن "عريس الإسماعيلية".. مطالبات بالتحقيق مع الإعلامية ياسمين عز

بسبب إنكار إبراهيم عيسى لـ"المعراج".. مصطفى درويش ينسحب من فيلم "الملحد": مش هكمل في القرف دة
حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC